OBSH rekomandon dy lloje të reja ilaçesh kundër Covid-19

“Baricitinib” dhe “sotrovimab” janë dy ilaçet e reja të rekomanduara prej OBSH-së për trajtimin e Covid-19. Sipas Organizatës Botërore të Shëndetit, “baricitinib” rekomandohet për pacientët me raste të rënda të Covid-19, ndërsa “sotrovimab”, një ilaç, për rastet më të lehta që kanë më pak gjasa të kenë nevojë për t'u shtruar në spital.

“Se sa jetë do të shpëtojnë këto ilaçe varet nga fakti se sa të disponueshme dhe të përballueshme do të jenë,” u shprehën përfaqësues së OBSH-së gjatë një deklarate të fundit.

Mjekja asiston në lindjen e "bebit mrekulli" gjatë fluturimit

Një mjeke nga Kanadaja s'mund të ishte më e lumtur pasi solli në jetë një bebush teksa fluturonin drejt Uganda-s. Një prej pasagjerëve, ishte në fundin e pritjes së ëmbël dhe fati donte që bebi të lindte në avion. Fëmija, ndonëse erdhi më parë nga ç'ishte parashikuar, lindi i shëndetshëm dhe mori emrin e mjekes që asistoi në lindjen e saj, duke u quajtur Miracle Aisha. Kjo e fundit tregon se fillimisht nuk po kuptonte çfarë po ndodhte dhe pse njerëzit ishin mbledhur rreth gruas.

"Mendova se ishte një situatë serioze, më shkoi mendja tek ndonjë atak i mundshëm. Kur u afrova pashë gruan në dhimbje dhe bebin që ishte gati për të dalë!"

Nxjerr kapelen në ankand për 250 mijë dollarë: Kritikohet ashpër Melania Trump

Ish-Zonja e Parë e SHBA-ve, Melania Trump është kritikuar nga mediat amerikane pas koleksionit që ka nxjerrë së fundmi në ankand, të quajtur ndryshe si koleksioni i "Kreut të Shtetit".

Trump është akuzuar se po anashkalon dhe injoron traditën, pasi zakonisht pjesa më e madhe e veshjeve të zonjave të para i jepet një biblioteke presidenciale ose një muzeu tjetër. 

“Edhe pse është e drejta e saj ta bëjë këtë, nuk është në përputhje me atë që kanë bërë ish-zonjat e tjera të para, duke dhuruar artikuj të ngjashëm në Arkivin Kombëtar dhe bibliotekat presidenciale në interes të ruajtjes së historisë dhe të popullit amerikan."- u shpreh CEO i Bibliotekës presidenciale.

Ndërkohë, Melania nuk ka dhënë asnjë koment në lidhje me vendin ku do të shkojnë paratë e grumbulluara nga ankandi.

Kapelja e saj është në dispozicion për shitje deri më 25 janar, ekskluzivisht online, me një çmim fillestar prej 250,000 dollarë, ose rreth 1,416 Solana (kriptomonedhës). Ajo është projektuar ekskluzivisht për Zonjën e Parë nga stilisti i saj personal, francezo-amerikani Hervé Pierre.

Në Izrael, më shumë se gjysmë milioni njerëz janë vaksinuar me dozën e katërt

Më shumë se 500,000 persona në Izrael kanë marrë dozën e katërt të vaksinës kundër koronavirusit, referuar të dhënave që vijnë nga Ministria e Shëndetësisë atje. 

Izraeli ishte vendi i parë që nisi aplikimin e dozës së 4-ët përforcuese për njerëzit më të rrezikuar ndaj Covid-19. Autoritetet shpresojnë se dozat përforcuese do të ndalin valën e infektimeve të nxitura nga varianti Omicron.

Gati gjysma e popullsisë atje, ka marrë të paktën një dozë përforcuese.

Burimi:BBC, CNN