Vala e të nxehtit në Spanjë: Maji mund të bëhet muaji më i nxehtë i shekullit
Rajonet e Spanjët po përjetojnë rritje të lartë të temperaturave, deri në 15 gradë mbi mesataren e sezonit. Disa zona arritën deri në 44ºC të shtunën dhe kjo valë e paprecedentë e të nxehtit mund ta bëjë këtë muaj majin më të nxehtë të shekullit.
“Këto ndoshta do të jenë ndër temperaturat më të ngrohta që kemi parë në maj gjatë shekullit të 21-të,” tha zëdhënësi i Agjencisë Shtetërore Meteorologjike të Spanjë, Rubén del Campo.
Davos 2022: Forumi Ekonomik Botëror më i rëndësishëm në 50 vitet e fundit
Forumi Ekonomik Botëror do të mbahet në pranverë dhe jo në janar si zakonisht pasi u shty për shkak të Covid. Në historinë 50-vjeçare, Forumi Ekonomik Botëror nuk është përballur kurrë me çështje të tilla globale si ato të vitit 2022: bota po rimëkëmbet nga një pandemi globale, po përpiqet të frenojë ndikimin shkatërrues të krizës klimatike dhe po përballet me një stuhi gjeopolitike pas pushtimit të Ukrainës.
"Davosi do të jetë i ndryshëm për shkak të mungesës së bashkëpunimit global për të zgjidhur këto sfida më të ngutshme," tha Bprge Brende, President i Forumit Ekonomik Botëror, në një konferencë para ngjarjes.
Forumi do të mbahet më 23-26 ma, në Davos, një vendpushim malor në Zvicër.
OKB-ja denoncon raportimin ‘homofobik dhe racist’ për përhapjen e lisë së majmunëve
Agjencia e Kombeve të Bashkuara për Sidën (UNAIDS) i ka quajtur disa raportime mbi virusin e lisë së majmunëve si raciste dhe homofobike, duke paralajmëruar përkeqësimin e stigmave. UNAIDS tha se "një pjesë e konsiderueshme" e rasteve të fundit të lisë së majmunëve janë identifikuar mes homoseksualëve, biseksualëve dhe burrave të tjerë që kryejnë marrëdhënie seksuale me burra.
Por transmetimi ka shumë të ngjarë të ndodhë nëpërmjet kontaktit të ngushtë fizik me një të sëmurë nga lija e majmunit dhe mund të prekë këdo, shtoi UNAIDS, duke thënë se disa portretizime të afrikanëve dhe njerëzve LGBTI "përforcojnë stereotipet raciste dhe homofobike si edhe përkeqësojnë stigmat".
Miliarderët e produkteve ushqimore dhe të energjisë janë 453 miliardë dollarë më të pasur se dy vjet më parë, zbulon Oxfam
Pasuria e miliarderëve të produkteve ushqimore dhe energjisë është rritur me 453 miliardë dollarë gjatë dy viteve të fundit për shkak të rritjes së çmimeve të energjisë dhe mallrave gjatë pandemisë dhe luftës së Vladimir Putin në Ukrainë, ka zbuluar një raport nga Oxfam, konfederatë e 21 organizatave të pavarura të bamirësisë që përqendrohen në zbutjen e varfërisë globale.
Cargill, një nga tregtarët më të mëdhenj të ushqimit në botë, tani numëron 12 anëtarë të familjes si miliarderë, nga tetë para pandemisë. Familja Cargill, së bashku me tre kompani të tjera, kontrollon 70% të tregut global të bujqësisë.
Numri i personave që janë dëbuar nga vendi i tyre kalon 100 milionë, për herë të parë, thotë OKB
Agjencia e OKB-së për refugjatët (UNHCR) ka thënë se numri global i njerëzve të zhvendosur me forcë ka kaluar 100 milionë për herë të parë, duke e përshkruar atë si një "pikë befasuese".
Komisioneri i lartë i OKB-së për refugjatët, Filippo Grandi, tha se statistikat e reja të zymta duhet të veprojnë si një thirrje zgjimi për komunitetin ndërkombëtar dhe se nevojitet më shumë veprim ndërkombëtar për të adresuar shkaqet rrënjësore të zhvendosjes së detyruar në mbarë botën.
Zyrtarët thanë se numri i njerëzve që janë detyruar të largoheshin për shkak të konfliktit, dhunës, shkeljes së të drejtave të njeriut dhe persekutimit ishte rritur në një nivel të paprecedentë për shkak të luftës në Ukrainë së bashku me konfliktet e tjera vdekjeprurëse.
