Trajtimi i Kinës ndaj ujgurëve mund të jetë krim kundër njerëzimit, thotë OKB

Komisionerja në largim e OKB-së për të drejtat e njeriut, Michelle Bachelet, ka thënë se Kina ka kryer “shkelje serioze të të drejtave të njeriut” kundër muslimanëve ujgurë në provincën Xinjiang, të cilat mund të përbëjnë krime kundër njerëzimit.

Raporti i Bachelet u publikua vetëm 11 minuta para përfundimit të mandatit të saj në mesnatë në Gjenevë. Qeveria kineze, e cila u përpoq deri në momentin e fundit të ndalonte publikimin e raportit, e hodhi poshtë atë si një shpifje kundër Kinës, ndërsa grupet e të drejtave të njeriut e cilësuan atë si një pikë kthese në reagimin ndërkombëtar ndaj programit të burgosjes masive.

Gjatë pesë viteve të fundit, Kina përfshiu rreth një milion ujgurë dhe grupe të tjera pakicë në kampe internimi, të cilat i quajti qendra trajnimi. Disa nga qendrat janë mbyllur që atëherë, por mendohet se ende janë qindra mijëra të burgosur. Abuzimet e përshkruara përfshijnë rrahje me shkopinj elektrikë, teksa ishin të lidhur në një "karrige tigri" (të burgosurit janë të lidhur nga duart dhe këmbët), izolim të zgjatur etj.

Ministrat e jashtëm të BE-së ranë dakord të pezullojnë marrëveshjen e udhëtimit të vizave me Rusinë

BE-ja ka rënë dakord të pezullojë një marrëveshje udhëtimi për viza me Moskën për të frenuar numrin e shtetasve rusë që hyjnë në NE për pushime dhe pazar. Në takimin në Pragë, 27 ministrat e jashtëm të BE-së premtuan të pezullojnë marrëveshjen e lehtësimit të vizave të vitit 2007 me Rusinë që e bën relativisht të lehtë marrjen e dokumenteve të udhëtimit.

Përfaqësuesi i lartë i BE-së për politikën e jashtme, Josep Borrell, tha se kishte pasur "një rritje të konsiderueshme të kalimeve kufitare" nga Rusia në BE që nga mesi i korrikut, të cilën ai e përshkroi si "një rrezik sigurie për këto shtete fqinje".

Ambasadori i Pakistanit bën thirrje për konferencën e donatorëve ndërkombëtarë për të ndihmuar me dëmet nga përmbytjet

Pakistani ka nevojë për një konferencë ndërkombëtare donatorësh për ta ndihmuar atë të përballet me dëmet e shkaktuara nga përmbytjet e fundit, sipas kryediplomatit të vendit në Bashkimin Europian. Përmbytjet kanë goditur rëndë Pakistanin, duke zhvendosur pothuajse një milion njerëz dhe duke shkaktuar gati 10 miliardë euro dëme që nga mesi i qershorit.

Katalonjë: Foshnja ndërron jetë pasi u gotit nga breshëri gjigant

Një vajzë 20-muajshe ka humbur jetën pasi u godit nga një breshër i madh gjatë një stuhie të rrallë. Presidenti i Katalonjës, Pere Aragones, e ka përshkruar aksidentin e frikshëm si një "tragjedi".

Të paktën 40 persona të tjerë u trajtuan për shkak se u lënduan nga stuhia e egër, e cila solli breshër deri në 11 centimetra në diametër, më i madhi në rajon që nga viti 2002.

Rusia mund të zgjerojë konfliktin, thotë Gjermania

Rusia ka potencialin për të nisur një "teatër të dytë të luftës" nëse vendos ta bëjë këtë, ka paralajmëruar shefi i mbrojtjes së Gjermanisë. Rusia është “shumë e aftë për të zgjeruar konfliktin rajonalisht” dhe nuk do t'i mbarojë municionet së shpejti, sipas gjeneralit Eberhard Zorn, ushtar i rangut më të lartë të Bundeswehr-it, forcat e armatosura të Gjermanisë.