Bota

Lajme në pak minuta: Çfarë po ndodh në botë

Shkruar nga Anabel

13 Janar 2022

Lajme në pak minuta: Çfarë po ndodh në botë

Të infektuarit me Omicron, më pak shanse për t'u shtruar në spital

Sipas një studimi të kryer në SHBA, ata që preken nga Omicron kanë më pak gjasa të kenë nevojë për t'u shtruar në spital. 

Studimi është kryer duke analizuar pothuajse 70,000 persona që rezultuan pozitivë për sëmundjen COVID-19. Analizat janë bërë nga të dhënat e marra nga sistemi shëndetësor në Kaliforni në periudhën ndërmjet 30 nëntorit dhe 1 janarit, ku dy variantet e koronavirusit, Delta dhe Omicronin qarkullonin gjerësisht.

Po ky  studim zbuloi gjithashtu se infektimet me Omicron janë më pak të rënda dhe kanë më pak gjasa që të shkaktojnë fatalitete. 

Rezultatet e këtyre studimeve sugjerojnë se Omicroni është “më pak i rëndë” se Delta dhe ulja e gjasave për zhvillimin e një sëmurje të rëndë nuk është vetëm rezultat i vaksinimit apo infektimit të mëhershëm, tha studimi.

Megjithatë, ky studim ende nuk është shqyrtuar nga shkencëtarë të tjerë, prandaj Qendrat për Kontrollin dhe Parandalimin e Sëmundjeve (CDC) thanë se të dhënat nuk të merren si të mirëqena.

Lajme në pak minuta: Çfarë po ndodh në botë

Në Francë, reklamat e makinave do t'i shtyjnë njerëzit të përdorin biçikleta

Shumë shpejt, vetë reklamat e makinave në Francë do t'i drejtojnë njerëzit drejt opsioneve të gjelbra të transportit. Ky ligj i ri do të fillojë për prodhuesit e makinave nga marsi, kjo pasi presidenti Macron ka për qëllim të frenojë ndotjen e ajrit në vend, duke i inkurajuar njerëzit të përdorin më shumë biçikletat.

Ligji i ri është një nga një sërë masash që Franca po zbaton për të ndihmuar në përmbushjen e objektivave të saj klimatike. Macron ka rritur gjithashtu ekotaksën maksimale për blerjen e makinave që lëshojnë nivele të larta të gazeve serë nga 30 mijë euro në 40 mijë euro.

Vendi i parë europian që përdori një "sistem inteligjent të menaxhimit të trafikut" ishte Strasburgu, ndërsa në Paris, kryebashkiakja ka eksperimentuar me një sërë rregullash për trajtimin e trafikut, duke përfshirë ndalimin e automjeteve me naftë të prodhuara para vitit 2006 gjatë ditëve të javës.

Lajme në pak minuta: Çfarë po ndodh në botë

Danimarka gati për dozën e katërt të vaksinës anti-Covid.

Pas përballjes me një numër rekord të rasteve pozitive, Danimarka ka vendosur të ofrojë dozën e katërt të vaksinës për qytetarët më të rrezikuar. 

Gjatë dhjetorit, Danimarka mori masa të reja kufizuese që paralizuan një pjesë të mirë të aktiviteteve të jetës sociale. Së fundmi, qeveria thuhet se ka rihapur teatrot, kinematë dhe muzetë, si dhe qasjen në ngjarje sportive në natyrë, dhe gjithashtu ka sugjeruar lejimin e koncerteve të brendshme me një maksimum prej 500 vizitorësh. Ky lirim masash vjen paralelisht me vaksinimin për herë të 4-ët të qytetarëve më në risk.

Lajme në pak minuta: Çfarë po ndodh në botë

Kryeministri britanik në telashe: Akuzohet se ka marrë pjesë në festë gjatë kohës së karantinës

Boris Johnson, akuzohet në mënyrë të vazhdueshme nga opozita se ka marrë pjesë në një festë të organizuar në maj të 2020-ës, ndërkohë që vendi ishte në izolim total. 

Bëhet fjalë për festën e organizuar në  kopshtet e rezidencës zyrtare të kryeministrit, nga kryesekretariati Martin Reynolds, ku mori pjesë vetë Johnson me gruan e tij Carrie dhe rreth 40 persona të tjerë. 

Në një kohë që Evropa dhe e gjithë bota po përballeshin me valën e parë të Covid-it dhe miliona njerëz jetonin në shtëpitë e tyre, të izoluar, e ndërsa kryeministri bashkë me të tjerë akuzohej se festonte pa respektuar asnjë masë.

Çfarë e bën edhe më të thellë skandalin është se edhe në partinë e tij ka nga ata që kanë ngritur kritika kundër sjelljes së Johnson.  Disa eksponentë konservatorë duan që Johnson të kërkojë falje publike, të tjerë madje shkuan aq larg sa të uronin dorëheqjen e tij.

Lajme në pak minuta: Çfarë po ndodh në botë

Burimi: The Guardian, BBC, CNN

MOS I HUMBISNI