Danimarka zyrtarisht miraton pilulën anti-Covid
Një pilulë kundër koronavirusit, e quajtur "Merck" është miratuar nga Danimarka, për t'u përdorur nga gjithë pacientët që janë në gjendje të rëndë shëndetësore dhe të moshuarit e infektuar me Covid.
Ishte Anglia që muajin e shkuar u bë shteti i parë që miratoi një pilulë kundër pandemisë. Ndonëse agjencia europiane e barnave është ende duke e shqyrtuar, rregullatori amerikan pritet ta aprovojë në fund të vitit. Pas studimeve të deritanishme, ilaçi ka rezultuar të ketë reduktuar me 30% nevojën për shtrim në spital si dhe fatalitetet e pacientëve më të rrezikuar.
Kjo pilulë duhet të jepet brenda 5 ditëve nga simptomat e para për të trajtuar për të parandaluar rrezikun e lartë në vijim.
Europa në gadishmëri: Masa të reja për periudhën e festave!
Frika nga përhapja e Omicron ka bërë që autoritetet e shumë vendeve europiane të shtrëngojnë masat kufizuese. Një pjesë e mirë ka rritur numrin e të vaksinuarëve me dozën e tretë, rivendosjen e maskës në ambientet e mbyllura si dhe janë shtuar masat për udhëtarët që vijnë nga jashtë.
Referuar paralajmërimeve të ekspertëve (që rastet e Omicron do të rriten ndjeshëm gjatë javëve të ardhshme), vendet evropiane po miratojnë masa të reja, më të rrepta, duke u bërë thirrje qytetarëve që të jenë të kujdesshëm.
Hollanda është rimbyllur sërish nga dje (e diel, 19 dhjetor) deri pas Krishtlindjeve. Dyqanet, restorantet, baret, kinematë, muzetë, parukeritë, etj do të qëndrojnë të mbyllura deri me 14 janar.
Ndërsa në Francë, organizimet e Vitit të Ri do të anullohen dhe njerëzve i është kërkuar të bëhen grumbullime të vogla familjare darkën e festave.
Gjermania ka rivendosur karantinën dy-javore për udhëtarët që vijnë nga Britania, duke qenë se ky i fundit ka patur rritje shqetësuese të rasteve me Covid-19 dhe Omicron.
Shembja u urës në Kinë i merr jetën 4 personave dhe lëndon 8 të tjerë
4 njerëz kanë humbur jetën dhe 8 të tjerë janë plagosur pas shembjes së papritur të një ure në një bulevard në provincën qëndrore të Kinës, Hubei.
Një pjesë prej 500 metra e urës, u shemb në një autostradë dhe 3 kamionë që ecnin sipër saj ranë duke shkaktuar kështu tragjedinë. Shkaku i shembjes nuk dihet ende.
Pasi ngecën në trafik, gruaja sjell në jetë bebin brenda Tesla-s
Një grua nga Philadelphia, solli në jetë bebushin e saj brenda makinës së famshme elektrike. Fëmija, që sot njihet si bebi i Tesla-s erdhi në jetë brenda makinës që po drejtohej në mënyrë autopilote.
Gruaja, ndodhej brenda bashkë me të shoqin dhe djalin 3-vjeçar të cilin po e dërgonin në kopësht, pa e ditur që nga çasti në çast do t'i shpërthenin ujërat. Ndërkohë që kontraktimet e forta nisën, familja kishte ngecur në trafik dhe ishte e pamundur të arrije në kohë në spital. Thënë këtë, bashkëshorti aktivizoi opsionin autopilot drejt spitalit, por bebushi erdhi më herët, brenda makinës!
Burimi: The Guardian, CNN, Reuters