Drejtori i OBSH-së thotë se Europa është edhe një herë epiqendra e pandemisë, duke paralajmëruar: "Asnjë vend nuk përbën përjashtim.”
Dr. Tedros Adhanom Ghebreyesus tha në një konferencë për media se “Është e rëndësishme për të gjitha vendet që të rrisin kapacitetet e tyre tani për të siguruar që masat e duhura janë vendosur për të shmangur pasojat më të këqija të çdo valë të ardhshme.”
"While Europe is again the epicentre of the #COVID19 pandemic, no country or region is out of the woods.
— World Health Organization (WHO) (@WHO) November 24, 2021
It’s important for all countries to surge their capacities now to ensure the right measures are in place to avert the worst consequences of any future waves"-@DrTedros
Ai gjithashtu paralajmëroi se ndonëse vaksinat shpëtojnë jetë, ato nuk parandalojnë plotësisht transmetimin e Covid dhe në rastin e variantit Delta, vaksinat reduktojnë transmetimin me vetëm 40%.
Ai tha se shumë vende kanë një "ndjenjë të rreme sigurie" se vaksinat i kanë dhënë fund pandemisë dhe një besim se njerëzit e vaksinuar nuk kanë nevojë të marrin masa paraprake.
“Edhe nëse jeni të vaksinuar, vazhdoni të merrni masa paraprake për të parandaluar infektimin vetë dhe për të [parandaluar] infektimin e dikujt tjetër që mund të ndërrojë jetë.”