Të paktën 8 persona kanë humbur jetën dhe shumë të tjerë janë lënduar gjatë kohës kur reperi Travis Scott ndodhej në skenë, në festivalin Astroworld, në Houston.

Nata që supozohej të ishte argëtuese është kthyer në tragjedi pasi turma shtyhej drejt skenës, përpjekje të cilat rezultuan fatale. 

Nga të dhënat e para, rreth 50,000 njerëz ishin të pranishëm në festivalin muzikor, i cili u mbajt në ambient të hapur.

"Turma, për arsye që ende s'i dimë filloi të shtynte njëri-tjetrin për të arritur drejt skenës. Kjo bëri që njerëzit që ishin para të ngjesheshin në pamundësi për t'i shpëtuar situatës. Situata sa vinte dhe përkeqësohej, u panë njerëz që rrëzoheshin në tokë pa ndjenja. Disa prej tyre pësuan atak kardiak."- janë shprehur autoritetet për CNN.

Rreth 23 njerëz janë dërguar urgjent në spital, prej të cilëve 11 janë në gjendje kritike e ndërsa 8 të tjerë nuk mundën të mbijetonin. Mes pacientëve në gjendje kritike ndodhet dhe një 10 vjeçar. 

Policia e Houston-it dhe stafi i sigurisë së eventit ndaluan menjëherë koncertin sapo vunë re që gjërat po dilnin jashtë kontrollit, por dëmi më i madh ishte bërë. Ende nuk dihet shkaku i reagimit të turmës, por autoritetet po hetojnë për të zbuluar çfarë e shkaktoi.

Burimi: CNN