Java e Modës

Aktivistja prish për pak sekonda sfilatën e Louis Vuitton: Cili ishte qëllimi?

Shkruar nga Anabel

13 Tetor 2021

Aktivistja prish për pak sekonda sfilatën e Louis Vuitton: Cili ishte

Një aktiviste e klimës iu bashkua për pak sekonda sfilatës së Louis Vuitton në muzeun e Luvrit, i fundit për Javën e Modës në Paris.

Marie Cohuet, 26 vjeç, eci gjatë pasarelës, madje pozoi për disa sekonda para kamerave me një banderolë ku shkruhej “konsumi i tepërt = zhdukje”, para se ekipi i sigurisë ta nxirrte jashtë.

Jashtë muzeut, rreth 30 aktivistë nga tre organizata mjedisore, përfshirë Extinction Rebellion, mbanin veshur maska gazi.

"Ne marshuam për të kërkuar që moda të kuptojë se bota po digjet," shkroi Cohuet në Twitter.

Kjo nuk është hera e parë që organizata Extinction Rebellion ndërpret pasarelat. Gjatë shfaqjes së Dior Pranverë 2020, një nga aktivistët doli me një banderolë të verdhë ku shkruhej: “Ne të gjithë jemi viktima të modës.”

Aktivistja prish për pak sekonda sfilatën e Louis Vuitton: Cili ishte

"Ne zgjodhëm LVMH simbolikisht sepse është një nga shtëpitë më me ndikim. LVMH bën deklarata të furishme për faktin që janë më të përparuarit përsa i përket kufizimit të ndikimeve të tyre, por ne shohim që në realitet nuk është e vërtetë."

Një zëdhënës i Louis Vuitton tha se marka nuk kishte asnjë koment.

Industria e modës është një nga industritë kryesore ndotëse në botë. Prodhimi dhe shpërndarja kontribuojnë në forma të ndryshme të ndotjes së mjedisit, përfshirë ndotjen e ujit, ajrit dhe tokës. 

MOS I HUMBISNI