Linda Evangelista, modelja, tani 56 vjeç, zbuloi se ka përjetuar një efekt anësor të rrallë kozmetik nga trajtimet, pesë vjet më parë.

"Siç e kanë përshkruar dhe mediat, unë 'nuk njihem' më", u tha ajo 900.000 ndjekësve të saj në Instagram.

Evangelista shpjegoi se kjo ishte dhe arsyeja kryesore pse ajo u zhduk nga syri i publikut. Modelja kanadeze vazhdoi duke thënë se ajo kishte pësuar "dy operacione të dhimbshme, të pasuksesshme, korrigjuese" pasi procedura e dobësimit - e njohur edhe si konturimi i trupit - kishte pasur efektin e kundërt.

"Për ndjekësit e mi që kanë pyetur veten pse unë nuk kam punuar ndërsa kolegëve të mi lulëzon, arsyeja është se unë u shpërfytyrova brutalisht nga [një procedurë] e cila bëri të kundërtën e asaj që premtoi", shpjegoi ajo.

Ajo tha se efekti anësor që përjetoi, "jo vetëm që i shkatërroi jetesën, por e çoi dhe në një fazë të thellë depresioni dhe trishtimi", proces gjatë të cilit ajo ka përfunduar e vetmuar. 

"Jam shumë e lodhur duke jetuar në këtë mënyrë," vazhdoi ajo. "Unë do të doja të dilja nga dera ime me kokën lart, pavarësisht se nuk dukem më si unë."

Procedura jo-kirurgjikale, e cila është rritur në popullaritet vitet e fundit, përdor temperaturat e ftohta për të zvogëluar depozitat e yndyrës në zona të caktuara të trupit.

Duke përshkruar "efektin anësor shumë të rrallë, por serioz" që ajo kishte përjetuar, Evangelista tha se "qelizat yndyrore në vendin e trajtimit, po rriteshin duke çuar në efekt të kundërt". Nuk është kuptuar plotësisht pse ndodhi kjo.

Evangelista u bë e famshme në vitet 1990 si një nga supermodelet e famshme në zhvillim, duke marrë pjesë në pasarela të nivelit të lartë, duke qenë pjesë e kopertinës së Vogue etj.

Linda Evangelista, atëherë dhe së fundmi

Burimi: BBC