Jennifer Lopez surprizoi të pranishmit dhe fansat kur u shfaq papritur në ceremoninë e ndarjes së çmime MTV Video Music Awards. Por sipas shumë njerëzve në internet, një person nuk u duk fort i emocionuar për J.Lo. Po, Billie.

Disa përdorues të Twitter-it shpërndanë me shpejtësi një moment kur Jennifer hyn në skenë dhe siç dikush shkroi, Billie ishte “Mariah Not Careying” (duke iu referuar deklaratës së bujshme të Mariah Carey-t ku tha se nuk e njeh kush është J.Lo).

Disa përdorues të tjerë shpërndanë të njëjtin moment duke pyetur nëse ka ndonjë konflikt mes tyre.

Momenti është me të vërtetë i çuditshëm. Asnjë reagim. Në dukje një mospërfillje. As një përkushtim i vogël për të duartrokitur. Por ka gjasa të mos bëhet fjalë për ndonjë konflikt.

Kujtojmë se Jennifer dhe Billie kanë treguar se kanë një marrëdhënie miqësore. Vitin e kaluar, Lopez shpërndau një foto ku ajo dhe e bija, Emme, përqafonin Billie-n.