Një vajzë nga Portland, nuk ishte e sigurt se si t'u tregonte prindërve për punën që bënte, kështu që vendosi ta tregonte përmes një prezantimi në PowerPoint.

E njohur thjesht si "Lex" në TikTok, ajo u zbuloi prindërve të saj një "sekret" dhe filloi duke këmbëngulur se ajo që bën "nuk prek askënd". Arsyeja që ajo vendosi ta tregonte është se "donte që njerëzit më të dashur, të dinin më shumë për të". 

Motra e saj ishte gjithashtu e pranishme dhe regjistroi prezantimin për ta publikuar në TikTok. Lex vazhdoi:

"Çfarë është sekreti: Jam e talentuar, e fuqishme, e lezetshme. Çfarë nuk është: Që jam shtatënë, ose jam në rrezik". 

Ajo më pas kalon në slide-n tjetër dhe tregon me krenari se është një striptiste dhe balerinë nate. Duke shpjeguar se ajo e do atë që bën, Lex thotë se është në gjendje "të shprehet si kërcimtare dhe ka anonimitet të plotë në klubin ku punon".

Ajo gjithashtu këmbënguli se "nuk ka praktika të dyshimta të biznesit" dhe shpjegon më në fund pse ka qenë në gjendje kaq të mirë ekonomike së fundmi. Sidoqoftë, Lex i siguroi prindërit se nuk ka bërë asnjë lloj pune tjetër seksuale.

Në fund të PowerPoint-it, Lex pyet nënën dhe babanë e saj nëse kanë ndonjë pyetje; të dy thonë jo, por mamaja e falenderon që ndau jetën e saj me ta. Babai e duartroket kur ajo thotë se "është një nga punët më qesharake që ka bërë ndonjëherë".

Burimi: Unilad