“Pse nuk mund të kem një orgazëm vaginale? Unë mund të arrij orgazmën vetëm me një vibrator dhe ndonjëherë me seks oral. A ka diçka që nuk shkon me mua? A ka pozicione që duhet të provoj gjatë seksit penetrues.” – e pyet dikush Janet Brito-n, terapiste dhe mbikëqyrëse e certifikuar e seksit si edhe psikologe klinike dhe sociale, e cila është përqendruar te trajnimet kushtuar seksualitetit.

“Nuk ka absolutisht asgjë që nuk shkon. Shumica e njerëzve që kanë vulvë kanë nevojë për stimulim të klitorit në mënyrë që të përjetojnë një orgazëm dhe kjo është në rregull,” thekson Brito.

“Dhe nëse e keni kuptuar që mund të keni orgazëm me një vibrator ose seks oral, kjo është e shkëlqyeshme! Kjo do të thotë që ju e njihni trupin tuaj. Për të qenë e sinqertë, nuk ka një ndryshim të madh midis mënyrës se si ndihet një orgazëm vaginale ose klitorale.”

Ajo shton se “nëse jeni të përqendruar te orgazma vaginale, kini parasysh përdorimin e një lodre seksi që stimulon klitorin gjatë penetrimit.”

Në lidhje me pozicionet, Brito thotë se “pozicionet më të mira për t'u provuar janë ato që janë më të rehatshmet për ju. Ju nuk duhet të ndiheni nën presion për të provuar ndonjë pozicion që shkakton dhimbje të padëshiruar seksuale.”

“Nëse keni mundësi, gjeni një pozicion të rehatshëm që lejon klitorin të stimulohet gjatë penetrimit.”