Përdoruesja e TikTok, Lisa Tranel, ose @she_plusthree, është bërë virale pas një videoje me audion e Rachel Green, duke i bërë të gjithë të mendojnë për një moment se ajo është vërtet Jennifer Aniston.

Brenda klipit viral, Tranel "aktron" një pjesë nga episodi “The One Where Chandler Can’t Remember ëhich Sister".

"Dua ta lë punën, por pastaj mendoj se thjesht duhet të duroj. Por pse një person i tillë duhet të qëndrojë në një punë kaq poshtëruese, vetëm sepse lidhet nga larg me fushën për të cilën interesohet", thuhet në klip.

Videoja tashmë ka miliona pëlqime dhe klikime, saqë Lisa ka shkruar dhe në bio-n e saj të TikTok:

"Jo Jennifer Aniston".

Ndërsa thuajse të gjithë bien dakord se Tranel duket fiks si Jennifer, ajo vetë shkroi në Instagram:

"Ditët e fundit kanë qenë të çmendura. Një video në TikTok u bë virale sepse të gjithë mendojnë se dukem si Jennier. Gjithçka nisi si një shaka dhe pastaj shpërtheu. Sa për dijeni, unë me të vërtetë që nuk mendoj se dukem si Jennifer Aniston. As familjes sime nuk i duket kështu."