Disa studime kanë treguar se zgjimi dhe fjetja në të njëjtën orë kontribuojnë në një mënyrë jetese më të shëndetshme. Kjo është gjithashtu një praktikë e shumë njerëzve të suksesshëm si Oprah Winfrey, Barack Obama etj. Ja çfarë përfitimesh merrni nëse e aplikoni:
#1 - Do ndiheni më aktivë, më të gjallë dhe më këmbëngulës
Kjo vlen veçanërisht për ata që zgjohen herët në mëngjes. Robin Sharma, në librin e tij "5 AM Club", thotë se "të fituarit fillon që me fillimin tënd" dhe se "orët e para të ditës tënde janë jashtëzakonisht të vlefshme". Sipas një studimi gjerman, njerëzit që kanë zakon të zgjohen herët dhe janë të orientuar në mëngjes kanë tendencë të kenë më shumë këmbëngulje, bashkëpunim dhe një dëshirë për të pasur përvoja të reja.
#2 - Do të jeni më vigjilent dhe më pak të shqetësuar
Të qenit më pak i shqetësuar ka të bëjë shumë me zakonet tuaja të gjumit. Duke qenë se ju do të keni një kohë të caktuar për gjumë, do ta keni më të thjeshtë organizimin e orëve kur jeni zgjuar, duke patur më pak mundësi për të papritura.
#3 - S'do t'i lini gjërat për në momentin e fundit
Në momentin që ju nuk e fikni alarmin dhe ktheheni në anën tjetër të krevatit, i bëni një nder gjithë punëve që ju presin gjatë ditës. Në këtë mënyrë, gjithçka bëhet në kohën e vet dhe ju do ndiheni më të arrirë në fund të ditës, për sa i përket detyrave ditore në punë, shkollë etj.
#4 - Ka të ngjarë të keni më pak mendime negative
Një gjumë i çrregullt ndikon negativisht në shëndetin mendor, pasi njerëzit mund të kenë shanse më të larta për periudha depresive. Duke u përpjekur të krijoni një rutinë me orare të rregullta fjetje-zgjimi, ju përmirësoni shanset për të patur një mendje më të shëndetshme dhe pozitive.
#5 - Do jeni më të kënaqur me jetën tuaj
Një kohë e përpiktë zgjimi dhe gjumi i bën njerëzit më të kënaqur. Kështu rezultoi sipas një sondazhi me 1033 njerëz.
#6 - Do ndiheni më energjikë
Shumë ekspertë të aktivitetit fizik apo edhe mjekë e infermierë bien dakord se zgjimi në një orar të njëjtë, dhe aq më mirë herët në mëngjes, sjell më shumë energji. Kur zgjoheni me lindjen e diellit, ju keni më shumë kohë për veten gjatë ditës, më shumë mundësi për t'u stërvitur, për të pushuar etj. Të gjitha rezulojnë në më shumë energji.
#7 - Tretja do të jetë më e mirë
Të gjithë njerëzit kanë një cikël cirkadian, i njohur gjithashtu si një proces i brendshëm natyror që rregullon ciklin tonë të gjumit-zgjimit. Nëse cikli ynë cikardian funksionon siç duhet, sistemi ynë tretës ka më shumë rregullsi në funksionimin e tij dhe mban në rregull zorrët, stomakun dhe metabolizmin.
#8 - Imuniteti juaj do të jetë më i fortë
Gjumi luan një rol të rëndësishëm edhe tek imuniteti. Është i nevojshëm për trurin dhe shëndetin në përgjithësi, dhe gjithashtu varet nga cikli cirkadian, ashtu si tretja.
Burimi: Bright Side
