Fansat e “Peaky Blinders” mund të imagjinojnë shumë gjëra, por kurrsesi faktin që dikush tjetër mund të zëvendësojë Cillian Murphy-n në rolin ikonik të Tommy Shelby-t. Por ja që një tjetër aktor kishte më shumë shanse se Murphy për të qenë protagonisti i “Peaky Blinders”.

Krijuesi, Steven Knight, ishte në mëdyshje mes dy kandidatëve dhe më shumë pëlqente idenë e aktorit tjetër, Jason Statham.

“Duhej pak më shumë bindje,” tha Murphy në një intervistë për Guardian. “Fillimisht, mund të ketë pasur disa dyshime nëse kam pasur fizikun e duhur, gjë që e kuptoj. Unë nuk jam individi më imponues fizikisht.”

Legjendat thonë se Cillian i dërgoi Knight një mesazh ku thjesht shkruante: “Mos harro që jam aktor”. I pyetur në lidhje me këtë, aktori tha duke qeshur, “Është histori interesante. Nëse do të isha kaq i përmbledhur, do ta pranoja”.

Por, nëse ka ndodhur kështu, a mos po i bënte diss Statham? Pra, “mos harro që jam aktor...dhe Statham nuk është”? Murphy theksoi se nuk kanë lidhje me njëra-tjetrën.

Sidoqoftë, për fat të mirë, Knight vendosi që Tommy Shelby do të luhej nga Murphy. Në fakt, aktori e ka treguar me rolet e tij që është i aftë të shndërrohet në mënyrë të jashtëzakonshme, si për shembull:

1. "28 Days Later" (2002)

2. "Breakfast on Pluto" (2005)

3. "A Quiet Place II" (2020)

4. "Peaky Blinders" (2013 - )