Kim Kardashian po paditet nga ish-stafi, i cili e akuzo atë për shkelje të ndryshme në vendin e punës, përfshirë pagat e papaguara dhe dështimin për të siguruar pushime adekuate apo pushime vaktesh gjatë punës. Në një proces gjyqësor të ngritur të hënën, punëtorët e kopshtarisë dhe mirëmbajtjes që punuan në shtëpinë e Kardashian në Los Angele e akuzojnë atë për dështimin për të paguar orët shtesë dhe për të mbuluar shpenzimet si dhe për mbajtjen të një përqindjeje të pagës për taksat, pa raportuar punësimin e tyre tek autoritetet tatimore.
Një punëtor thotë se ai u pushua nga puna pasi ngriti shqetësime në lidhje me pagën e orëve shtesë, pushimet e vaktit dhe çështjet e taksave. Një tjetër, i moshës 16 vjeç, thotë se ai ka punuar më shumë se orët maksimale të lejuara për një të mitur sipas ligjeve të punës në Kaliforni.
"Vjedhja e pagave dhe shkeljet e tjera të vendit të punës janë një problem i përhapur në Los Angeles", thotë Frank Kim, avokati që përfaqëson ish-anëtarët e stafit, në një intervistë për Page Six. "Firma ime aktualisht po heton shkelje të tjera të mundshme kundër këtyre të pandehurve, si dhe familjeve dhe bizneseve të tjera të fuqishme në emër të punëtorëve të thjeshtë."
Frank Kim raportohet se përfaqëson gjithashtu paditësit në proceset gjyqësore kundër Kanye West, i cili u akuzua për dështimin për të paguar pagat për punëtorët e përfshirë në operën e tij të Hollywood Bowl 2019, Nebuchadnezzar.
Në përgjigje të procesit gjyqësor të fundit, një zëdhënës i yllit të Keeping Up ëith the Kardashians tregon se një person i palës së tretë është përgjegjës për shkeljet.
"Kim nuk është palë në marrëveshjen e bërë midis 'shitësit' dhe punëtorëve të tyre", thonë ata. "Prandaj ajo nuk është përgjegjëse për mënyrën se si 'shitësi' (menaxher apo kompani punësimi) menaxhon biznesin dhe marrëveshjet që ka bërë me stafin. Ajo shpreson që çështja me punëtorët të zgjidhet miqësisht së shpejti."
