Ashtu siç u njoftua, ka nisur sot (3 mars) vaksinimi i efektivëve të Policisë së Shtetit. Procesi i vaksinimit po kryhet në ambientet e stadiumit "Air Albania" dhe sipas ministres Ogerta Manastirliu pritet që gjatë ditës së sotme të vaksinohen 600 policë.

Ndërkaq, Manastirliu i ka bërë thirrje të gjithë qytetarëve mbi 70-vjeç të cilët nuk kanë marrë ende njoftim nga mjeku i familjes të paraqiten pranë qendrave të vaksinimit me kartë identiteti.

“Qytetarët të cilët nuk kanë marrë akoma një njoftim nga mjeku i familjes vetëm me kartë identiteti mund të paraqiten pranë qendrave të vaksinimit. Gjithashtu portali E-Albania mundëson dhe aplikimin për të gjithë personat që nuk janë vaksinuar.

Të gjithë qytetarët mbi 70 vjeç që nuk janë njoftuar nga mjeku i familjes në të gjithë qendrat e vaksinimit mjafton që të paraqiten me kartë identiteti për t'u vaksinuar dhe do të regjistrohet nga mjeku që ndodhet në qendrën e vaksinimit."

Cila grupmoshë do të vaksinohet pas efektivëve dhe të moshuarëve mbi 70-të vjeç?

Sipas Ministres së Shëndetësisë, në ditët në vijim do të nisë vaksinimi për grupmoshën mbi 60-të vjeç.

“Ndërkohë jemi duke përgatitur për të ulur fashën deri në plus 60 vjeç e do ndjekim planin e vaksinimit kombëtar e të vijojmë dhe me grupet e riskut".

Burimi: Abc News, Euronews