Kuzhina

Me një recetë kaq të thjeshtë mund ta ndryshoni komplet mëngjesin e 14 shkurtit

Shkruar nga Anabel

11 Shkurt 2021

Me një recetë kaq të thjeshtë mund ta ndryshoni komplet

Edhe nëse atij nuk i kujtohet fare që është 14 shkurt, kur të shohi mëngjesin e përgatitur nga ju posaçerisht për të, do të ndihet në faj dhe do vrapojë për dhuratën e parë që i shkon në mendje. Gjithsesi si fillim, ju duhet një recetë dhe pak vëmendje për të bërë petullat perfekte në ditën e të dashuruarëve.

Mund t'i shoqëroni me reçel luleshtrydheje, me çokollatë apo çfarë të doni ju.

Përbërësit :

Miell

Maja birre

Qumësht i vakët

Sheqer

Vaj

1 bustinë sheqer vanilje

2 vezë

Sheqer + sheqer vanilje për të lyer petullat

Recel luleshtrydheje ose tjetër për të mbushur petullat

Vaj luledielli për skuqje

Përgatitja:

Në një tas të madh, hedhim qumështin, majanë dhe sheqerin dhe i përziejmë derisa të shkrijnë. Shtojmë vajin, vezët , vaniljen dhe miellin pak e nga pak duke i trazuar me dorë ose me lugë druri. Kur të kemi hedhur pothuajse të gjithë miellin në tas, spërkatim tavolinën e punës me miellin e mbetur dhe punojmë brumin për disa minuta. E vendosim sërish brumin në tas dhe e mbështjellim më plastmas kuzhine dhe me peshqir ose cfarëdo cope që të doni. E lëmë që të vijë në mjedis të ngrohtë për 2 orë.

Pasi brumi të ketë ardhur, e punojmë sërish për 2-3 minuta dhe e hapim petë me trashësi 1-1.5 cm. Me një formë rrethore ose thjesht me një gotë, presim petullat dhe i vendosim  në një tavë. E mbulojmë sërish tavën me plastmas kuzhine dhe me peshqir dhe i lëmë petullat të vijnë sërish për gjysmë ore.

Në enën ku do t’i skuqim hedhim vajin deri në gjysmë (Mos u kurseni). Kur vaji të jetë nxehur, hedhim petullat dhe i mbuloimë  me kapak. I skuqim për 1-2 minuta nga të dyja anët dhe i vendosim në një pjatë me letër kuzhine. Në një pjatë tjetër hedhim sheqer dhe sheqer vanilje dhe i lyejme petullat me të.  I mbushim petullat me recel me ndihmën e një qese pasticerie.

Këshillë:

Nëse doni ose nuk keni shumë kohë në mëngjes, brumin mund ta përgatisni një natë më përpara dhe ta lini të vijë gjatë natës. Por duhet të përgjysmoni masën e majasë. Kështu në mëngjes do të keni më pak procese për të bërë. 

MOS I HUMBISNI