Në natën e parë të “Festivalit të Këngës”, herë pas herë u shfaqën video-mesazhe nga fituesit e edicioneve të kaluara të festivalit. Arilena, fituesja e një viti më parë, nuk u shfaq kurrkund.

Ky detaj nuk u konsiderua fort i çuditshëm pasi zakonisht, fituesi i fundit ose hap festivalin ose performon në finale ku edhe dorëzon kupën. Mirëpo duket se as kjo nuk do të ndodhë. Sot performoi Eugent Bushpepa, fitues i dy viteve më parë, por jo Arilena.

Arilena duket se nuk do të jetë e pranishme as në finales=. Burime për News31.al bëjnë me dije se produksioni i RTSH-së nuk e ka ftuar fituesen e një viti më parë. “Kështu ndodhi vjet me Jonida Maliqin, me Eugent Bushpepën dy vite më parë e me çdo fitues,” shkruan News31.al.

Gjithmonë nëse burimet janë të sigurta, momentalisht është e paqartë pse stafi organizues i këtij viti, i cili është i ndryshëm nga ai i vitit 2019 me në krye dyshen Vera Grabocka-Alketa Vejsiu, zgjodhi të mos ftonte Arilenën.