Sipas INSTAT, ka një hendek të madh gjinor mes burrave dhe grave sa i përket pagave në Shqipëri: Burrat paguhen më shumë se gratë, për të njëjtën punë.

Rezultatet e Anketës së Strukturës së të Ardhurave nga Puna tregojnë se të ardhurat mesatare për orë pune për burrat ishin 420 lek dhe për gratë 372 lek.

Në bazë të këtyre rezultateve, një orë punë e një burri me arsim të lartë paguhet përafërsisht 50 lek më shumë se një orë punë e një gruaje me arsim të lartë.

E njëjta statistikë për burrat dhe gratë me arsim të mesëm tregon se burrat janë paguar 193 lek për orë punë, ndërsa gratë 164 lek.

Në tërësi, hendeku gjinor i të ardhurave mesatare rezulton se është rreth 6.81%.

Sipas Anketës, industria nxjerrëse dhe aktivitetet financiare janë sektorët ku puna paguhet më shumë.

Sektorët më të keqpaguar përfshijnë: Hotelerinë, shërbimet dhe argëtimin.

Ndërkohë, sa i përket numrit të përgjithshëm të të punësuarve, edhe këtu dominojnë burrat: 50.6% kundrejt 49,4% që janë të punësuara gra.

Të punësuar sipas gjinisë në 2018

Burra - 50,6 %                  

Gra - 49,4 %

Paga mesatare për orë pune (arsimi i lartë)

Burra - 420 lekë

Gra - 372 lekë

Paga mesatare për orë pune (arsimi 8/9-vjeçar)

Meshkuj - 193 lekë

Femra - 164 lekë

Rezultatet e anketës janë marrë për të gjitha ndërmarrjet me mbi 10 punonjës, me 422 mijë të punësuar dhe me pagë mesatare bruto 50.700 lek.

Burimi: INSTAT, Euronews