Tetori nuk ka një, por dy hënë të plota. Kjo bën që ky vit të ketë 13 hënë të plota, në vend të 12 hënave që duhet të ishin zakonisht.

Edhe pse hëna në të vërtetë nuk do të duket blu, hëna e dytë e plotë e një muaji quhet zakonisht e tillë.

Sidoqoftë, një "Hënë Blu" duket e rrallë, por një hënë e tillë në Halloween është edhe më e rrallë: Një ngjarje e tillë nuk ka ndodhur që prej vitit 1944.

Hëna e plotë do të jetë e dukshme sipas zonave kohore, por nëse nuk jeni në gjendje ta shihni për shkak të motit të keq, ose mbulimit të reve në zonën tuaj, Projekti Virtual Telescope do të japë një transmetim të drejtpërdrejtë të "Hënës Blu".

Përfundimisht, kjo është një fundjavë e çuditshme. Ky ka qenë viti i pandemisë, ka një hënë të plotë në Halloween dhe në shumë vende, po dëgjojmë se sonte duhet të qëndrojmë në shtëpi.

Çdo muaj i vitit 2020 ka sjellë surprizat e veta, të cilat kanë qenë të krahasueshme me një lojë të mirëfilltë Jumanji, prandaj për t’ju ndihmuar të ruani qetësinë, ju sugjerojmë të shihni yjet. Ngrini sytë lart sonte në mbrëmje për të parë hënën e plotë në mrekullitë e qiellit të natës.

Burimi: CNN