Në filim të këtij viti, Meghan Thee Stallion u qëllua në këmbë me armë. Pas incidentit, kishte një mori informacionesh konfliktuale, edhe pse Meghan identifikoi reperin kanadez Tory Lanez, si personi që kreu krimin.

Ditën e djeshme, 8 tetor, Prokuroria e Qarkut në Los Angeles lëshoi një deklaratë, ku akuzonte zyrtarisht Lanez me akuzën e krimit me armë zjarri. Ai përballet dhe me akuzën e shkaktimit të “një plage të madhe trupore”.

Lanez do të paraqitet në gjykatë më 13 tetor. Raporti përshkruan incidentin, duke treguar se Lanez e qëlloi Meghan në këmbë "disa herë".

"Më 12 korrik, i pandehuri dhe viktima 24-vjeçare u grindën ndërsa po hynin në makinë në Hollywood Hills”, thuhej në deklaratë. “Viktima doli nga automjeti dhe reperi akuzohet se e ka qëlluar disa herë në këmbë, duke e plagosur.”

Nëse dënohet, Lanez përballet me 22 vjet e tetë muaj burg.

Meghan ofroi versionin e saj të incidentit pasi ndodhi. Në një postim në Instagram, ajo shpjegoi se nuk u arrestua, pasi disa pika pretenduan se ajo u mor në paraburgim.

“Lajmet që po raportohen për ngjarjet e mëngjesit të së dielës, janë të pasakta dhe do doja të sqarohesha. Të dielën në mëngjes, pata plagë me armë zjarri, si rezultat i një krimi që ishte kryer kundër meje dhe u bë me qëllim që të më dëmtojë fizikisht ”, shkruan ajo.

"Unë nuk u arrestova kurrë, oficerët e policisë më çuan në spital ku iu nënshtrova operacionit për të hequr plumbat. Unë jam jashtëzakonisht mirënjohës që jam gjallë dhe që pritet të shërohem plotësisht, por ishte e rëndësishme për mua të sqaroja detajet rreth kësaj nate traumatike. Tani jam përqendruar në shërimin tim, që të mund t’i kthehem jetës sime dhe muzikës, sa më shpejt të jetë e mundur.”

Jim Lewis, avokat i Lanez, tha për Vulture, se “viktima nuk është plagosur rëndë”. Ndërkohë, avokati i Megan Thee Stallion, Alex Spiro, iu përgjigj revistës Vulture, vetëm me:

“Asnjë koment!”

Burimi: In Style, Vulture