Bebe Rexha është zyrtarisht në një lidhje. Në një postim në Instagram Stories, ajo uroi partnerin misterioz për ditëlindje, portretin e të cilit e mbuloi duke vendosur një emoji me zemër.
Bebe është e kujdesshme, por njerëzit në internet janë shumë të kujdesshëm ndaj detajeve. Së fundmi, sipas raportimeve të Daily Mail dhe Just Jared, Bebe është parë në shoqërinë e Keyan Safyari. Fotot e tyre tregojnë diçka më shumë se shoqëri.
Çfarë e konfirmon akoma më shumë romancën e tyre është fakti se Keyan, referuar informacioneve në Google, ka lindur më 17 shtator, 1983.
Referuar biografisë së tij në Instagram, Keyan zotëron Moving Images Entertainment, një kompani për prodhimin e filmave, projekteve televizive dhe programe të tjera argëtuese. Keyan është producent, regjisor, fotograf, artist dhe sikur të moj mjaftonin këto, është edhe lojtar hokej. Kaq dimë deri tani.
Shtojmë se në dhjetor të 2019-s, Bebe tha se do të donte një të dashur shqiptar, “por është e vështirë në Amerikë”. Sidoqoftë, dasmën e do me tupanë dhe që të zgjasë 5 ditë.
