Një ish-modele ka akuzuar publikisht Donald Trump për sulm seksual të ndodhur në turneun e tenisit US Open, më shumë se dy dekada më parë, një incident i pretenduar që e la atë të ndihej e "sëmurë" dhe "e dhunuar".
Në një intervistë ekskluzive me Guardian, Amy Amy pretendon se Trump iu afrua asaj jashtë banjës së dhomës së tij VIP në turneun në Nju Jork më 5 shtator 1997.
Amy Amy, e cili ishte 24 vjeç në atë kohë, akuzon Trumpin se e puthi, e preku në të gjithë trupin dhe e mbajti me forcë pa i lënë mundësinë që të largohej.
"Isha në kthetrat e tij dhe nuk mund të largohesha," tha ajo, duke shtuar: "Unë nuk e di se si e quani veprimin kur i fut gjuhën në gojë dikujt. Por e nxora jashtë me dhëmbë. Po e shtyja. Mendoj se mund t’i kem lënduar gjuhën.”
Nëpërmjet avokatëve të tij, Trump mohoi me forcë akuzat e saj.
Amy, e cila jeton në Florida, i siguroi Guardian prova për të mbështetur rrëfimin e saj për takimet me Trump, përfshirë biletën për në US Open dhe gjashtë fotografi që e tregojnë me manjatin e pasurive të patundshme për disa ditë në Nju Jork. Trump, në atë kohë 51 vjeç, ishte martuar me gruan e tij të dytë, Marla Maples.
Pohimi i saj u theksua gjithashtu nga disa njerëz që u besoi në lidhje me incidentin. Ata përfshijnë një mik në Nju Jork dhe nënën e Amy, si dhe një terapist. Të gjithë thanë se Amy ndau me ta detaje të incidentit të pretenduar që përputhen me çfarë rrëfeu për Guardian.
Amy, tani 48 vjeç dhe nënë e dy vajzave binjake, tha se kishte menduar të fliste publikisht për incidentin në 2016, kur disa gra bënë publike akuza të ngjashme kundër kandidatit të atëhershëm republikan për president. Por ajo vendosi të mos fliste, pjesërisht sepse mendoi se duke bërë kështu mund të dëmtonte familjen.
"Vajzat e mia do të bëhen 13 vjeç dhe dua që ato të dinë që nuk duhet të lejoni askënd të bëjë asgjë që ju s’e dëshironi,” tha ajo. "Do të preferoja të isha model. Unë dua që ato të shohin që unë qëndrova e qetë, se fola për dikë që bëri diçka të papranueshme.”
Amy tha se ajo kaloi disa ditë me Trump në shtator të 1997 pasi i dashuri i saj i atëhershëm, Jason Binn, e çoi në Nju Jork për fundjavë.
Në atë kohë, Amy jetonte me miqtë në Boca Raton, Florida, dhe udhëtonte rregullisht në Miami për modeling dhe punë të herëpashershme aktrimi. Binn, themeluesi i disa revistave luksoze të modës dhe stilit të jetës, ishte një mik i Trump; në 1999, ai thuhet se e përshkronte biznesmenin e pasurive të patundshme si "shokun e tij më të mirë".
Në 5 shtator, Amy tha që Binn e çoi atë për të takuar Trump në zyrën e tij në Trump Tower, para se të shkonin së bashku në US Open në Queens.
Çiftit u bashkua me miqtë e tjerë të Trump në vendin e tij privat, një suitë luksoze. Fotografitë nga dita tregojnë Amy-n së bashku me Trump dhe miken e tij, Marylou Whitney.
Amy tha se sulmi i pretenduar ndodhi kur ajo u ngrit për të shkuar në banjë. "Unë kisha disa probleme me lentet e mia të kontaktit," tha ajo. "Më kujtohet që shkova atje për të lagur lentet.”
Kur doli, pretendon ajo, Trump po priste jashtë. "Fillimisht mendova se ai po priste të shkonte në tualet, por fatkeqësisht nuk ishte kështu”. Ajo pretendon se Trump bashkoi trupin e tij me të, ndonëse ajo i tha: “Jo, ik”.
"Unë thjesht isha në shok," shtoi ajo. “Jam ndjerë e shkelur, padyshim. Por ende nuk po e përpunoja çfarë ndodhi dhe thjesht po përpiqesha të kthehesha të flisja me të gjithë dhe të kaloja një kohë të mirë sepse, nuk e di, ndihesha nën presion.”
Amy shtoi se nuk mund të kujtojë nëse i tha Binn detajet e plota të sulmit të pretenduar, por i kërkoi atij që t'i thoshte Trump që ta linte të qetë. Ajo u shpreh se i tha Binn: "Ai i ka syte tek unë. Nuk mund të merrem me këtë. Duhet të bësh diçka ”.
Binn nuk iu përgjigj kërkesës së Guardian për koment. Sidoqoftë, sipas avokatëve të Trump, Binn u tha atyre se nuk mbante mend që Amy t’i kish folur për diçka të papërshtatshme mes saj dhe Trump.
Amy tha se pas incidentit të pretenduar, ajo telefonoi një mik që jetonte në qytet dhe i tregoi se çfarë kishte ndodhur. "Unë mendoj se thjesht u ndjeva e sigurt duke ditur se kisha dikë në Nju Jork, tek i cili mund të shkoja. Situata mund të përkeqësohej", tha ajo.
Ajo tha se Trump nuk e sulmoi seriozisht gjatë qëndrimit të saj në Nju Jork, por vazhdoi ta ndiqte pavarësisht refuzimit të saj.
Një ditë pas sulmit të pretenduar, Amy dhe Binn u kthyen në suitën e Trump në US Open. Amy tha se ajo vendosi të vishte një veshje "konservatore", një triko blu të thurur, si një përpjekje për të shmangur veprimet e Trump.
Çifti ndaloi në apartamentin e Trump në Trump Tower gjatë rrugës, ku bënë foto me njerëz të famshëm.
Amy tha që Trump vazhdoi ta ndiqte atë, duke i bërë pyetje të tilla si: "A e sheh veten duke jetuar këtu?”. "Nuk kishte rëndësi që ndryshova rrobat, ishte akoma e njëjta situatë," shtoi ajo.
Më vonë, atyre iu bashkuan në suitën e Trump më shumë të ftuar VIP, duke përfshirë Leonardo DiCaprio dhe iluzionistin David Blaine, me të cilët bënë foto.
Dy ditë më vonë, më 8 shtator 1997, Amy tha se ndoqi ceremoninë përkujtimore për Gianni Versace me Binn dhe Trump.
E pyetur pse ajo vazhdoi të kalonte kohë me Binn dhe Trump në ditët pas sulmit të pretenduar, Amy tha: “Unë isha atje nga Florida dhe isha me Jason. Nuk kisha para ku të shkoja. Ne po shkonim nga një ngjarje në tjetrën dhe ishte dërrmuese”. Ajo nuk e përpunoi plotësisht atë që kishte ndodhur deri më vonë. "Njerëzit kalojnë vite përreth njerëzve abuzues; kjo është ajo që ndodh kur diçka traumatike ndodh, ju ngrini."
Avokatët e Trump thanë se versioni i Amy për ngjarjet nuk faktohet. Nëse do të kishte pasur sjellje të papërshtatshme nga Trump, do të kishte pasur dëshmitarë të shumtë. Ata shtuan se dukej e pabesueshme që Amy të zgjidhte vullnetarisht të ishte në afërsi të Trump, në US Open dhe memorialin e Versace, në ditët pas sulmit të pretenduar. Avokatët e Trump gjithashtu pyetën pse Amy u ul pranë Trump në memorialin e Versace, kur ajo mund të ishte ulur në anën tjetër të Binn.
Ata thanë që Amy nuk i ka paraqitur akuzat në organe të zbatimit të ligjit dhe theksuan se koha e pretendimeve, kaq afër zgjedhjeve presidenciale të nëntorit, sugjeron që ato mund të jenë të motivuara politikisht.
Amy ndau fillimisht pretendimet e saj me Guardian në konfidencë, 15 muaj më parë, por ishte e pasigurt për publikun. Ajo së fundmi vendosi që historia të bëhet publike, pjesërisht për të qenë një model për vajzat e saj, të cilat tani janë në adoleshencën e tyre.
"Kur pushtoni hapësirën e dikujt, nuk ka rëndësi nëse është përdhunim ose jo, është sulm seksual dhe nuk është në rregull", tha ajo. "Ju nuk duhet ta prekni dikë nëse ai nuk dëshiron të preket. Dhe nuk bëra asgjë për ta inkurajuar atë të më prekte. ”
“Thjesht doja ta nxirrja këtë. Dhe unë dua që njerëzit ta dinë se ky është presidenti ynë. Kjo është lloji i gjërave që bën ai dhe është e papranueshme,” përfundoi Amy.
- Përshtatur nga Guardian
