Boksieri, Conor McGregor është arrestuar nën akuzat e “përpjekjes për abuzim seksual” dhe “ekspozim të pahijshëm”, në Korsikë, Francë.
Ai ka qenë atje, teksa përgatitej për një udhëtim 180 km, si pjesë e një fushate për të rritur ndërgjegjësimin për sigurinë e ujit.
Ylli i boksit, i cili “mohon me forcë çdo akuzë”, u arrestua dhe u soll në paraburgim, sipas agjensisë së lajmeve AFP.
Një përfaqësues i McGregor tha për TMZ:
“Conor McGregor mohon çdo akuzë për sjellje të keqe. Pasi është pyetur, ai është liruar.”
Një deklaratë nga prokuroria shkruante:
“Pas një ankese të depozituar në 10 shtator, duke denoncuar akte që mund të përshkruhen si përpjekje për sulm seksual dhe ekspozim seksual, Z. Conor Anthony Mac Gregor ishte subjekt i një seance dëgjimore nga policia.”
McGregor ka qenë në Francë për disa javë dhe u pa në Grand Depart për fillimin e Tour de France së bashku me Princeshën dhe Princin Albert II.
Ditën e incidentit të pretenduar, ai u fotografua në një jaht pranë Portit të Calvi në Korsikë me gruan e tij Dee Devlin dhe djalin Jack Jr.
Burimi: Express CO UK
