Dikur, Halsey ishte e dashuruar e G-Eazy, (dhe ne të tjerët më ta në këngën Him&I), po ky i fundit tani po jeton një romancë me Ashley Benson, që pak kohë më parë ishte e lidhur me modelen Cara Delevingne.Modelja nga ana tjetër, thuhet se po del me Halsey-in! Nëse u bëtë pak lëmsh, po jua shpjegojmë pak më thjeshtë.  Ish-çiftet kanë bërë shkëmbim partnerësh. Halsey, emri i vërtetë të së cilës është Ashley, dhe Cara janë parë të dalin shpesh me njëra tjetrën dhe sipas burimeve, thuhet se ka diçka më shumë se shoqëri mes vajzave. 

Kurse G-Eazy dhe Benson janë parë duke u puthur gjatë xhirimeve për klipin e ri të reperit. Të gjithë janë paksa konfuzë nga situata aktuale pasi nuk prisnin një kombinim të tillë, por kimia mes tyre nuk mungon.

"Të dyja janë shumë të hapura kur vjen puna tek seksualiteti i tyre dhe duan ta shijojnë në çdo lloj dimensioni. Zakonisht ato janë shumë të zëna duke udhëtuar përreth botës, por muajt e fundit kanë ngecur në Los Angeles dhe kështu janë parë më shpesh me njëra tjetrën. Cara madje e ka puthur në sy të miqve të saj dhe njerëzve të tjerë. Eshtë interesante që edhe ish-at e tyre janë me njëri tjetrin tani, por askush nuk është i lënduar dhe kjo ka rëndësi."- janë shprehur burime për The Sun. 

Nga ana tjetër, thuhet se reperi dhe aktorja shihen thuajse çdo ditë dhe nuk humbasin asnjë sekondë për të njohur njëri tjetrin. Çudirat e këtij viti nuk kanë fund, prandaj le të shohim ç'do të ndodhë në vazhdim.

Burimi:Cosmopolitan