Të gjithë e dimë sa e shëmtuar është ndjesia kur dikush krejt papritur shkëput komunikimin me ju dhe zhduket pa dhënë asnjë shpjegim. Askush s'e meriton këtë sepse përveçse është mënyra më harbute e mundshme, mund të lërë pasoja tek personi tjetër.
Prandaj mënyra më e mirë është të flasësh ose të shkruash. Nëse jeni ju ai/ajo që doni t'i jepni fund marrëdhënies/takimeve duhet ta bëni në mënyrën e duhur që do të thotë: të tregoheni të qartë dhe të mos ofendoni personin përballë. Keni një guidë me mesazhe për çdo lloj rasti!
1. Kur takimi është i mërzitshëm/sikletshëm
"Faleminderit për pijet e djeshme, por nuk ndjej që përshtatemi. Të uroj shumë fat në takimet e ardhshme."
2. Kur ai/ajo janë shumë të mirë, por ju s'keni kimi
"Dukesh shumë njeri i mirë dhe më shijojnë takimet me ty. Gjithsesi, mendoj se nuk do të shkonim në mënyrë romantike. E di që je shpirti binjak i dikujt tjetër dhe jam e sigurtë që ai/ajo po të kërkon tani."
Ky është teksti perfekt për dikë që u përpoq dhe ishte shumë i sjellshëm, por s'kishit kimi.
3. Kur keni dalë dy ose tre herë
"Faleminderit që më dhe mundësinë të të njoh më mirë, por mendoj se ne të dy po kërkojmë për gjëra të ndryshme në këtë moment. Nuk jam e interesuar për një tjetër takim."
4. Kur ata janë treguar të pasjellshëm
"Doja thjesht të dije që nuk ndihem komode me dikë që sillet si ty. Nuk mendoj se ne të dy përshtatemi, por gjithsesi faleminderit për kohën."
Edhe takimi më i keq, ka nevojë për një sqarim!
5. Kur pas disa takimesh, e gjetët veten të përfshirë fizikisht
"Javët e shkuara kanë qenë të lezetshme, por nuk mendoj se jemi gjëkundi në mënyrë romantike. Unë kërkoj diçka tjetër dhe e di që të dyve na pret atje jashtë dikush që na përshtatet më mirë."
6. Kur vetëm keni folur, por s'jeni takuar kurrë
"E di që është e vështirë të njohësh dikë përmes chat-it, por s'më duket sikur jemi në rrugën e duhur tani për tani. Unë nuk jam e interesuar për takime, por shpresoj që shumë shpejt të gjesh dikë që është."
7. Kur je shumë i/e zënë për të dalë në takime
"I shijoj shumë të dalat me ty, por axhenda ime është kaq plot tani sa s'do kem më kohë për t'u takuar. Ndoshta rrugët tona bashkohen sërish në të ardhmen, kur të jetë dhe koha e duhur. Deri atëherë, të uroj më të mirat.
8. Kur qartazi s'e ka harruar akoma ish-in.
"Tani që të njoha pak më shumë, duket qartë që nuk je gati për njohje të reja. Ndoshta s'më takon mua ta them këtë, por kam qenë në situatën tënde dhe e di sa e rëndësishme është të marrësh kohën që të duhet për të kaluar një ndarje dhe pastaj të mendosh për takime të reja.
9. Kur keni një lidhje në distancë
"Kam kuptuar që nuk jam tipi që mund ta mbaj për gjatë një lidhje në distancë. Duhet t'i japim fund kësaj dhe të ecim para."
10. Nëse ai/ajo të ka tradhtuar
"Nuk uroja kurrë të ndaheshim kështu, por e kam humbur besimin tek ty që pas asaj që mora vesh. Lidhja jonë mbaroi."
Shkurt, pastër, qartë!
Burimi: Bustle
