Sikur të mos ishte mjaftueshëm i vështirë zgjimi (herët) në mëngjës, tani ka edhe disa gjëra që nuk duhet të bëjmë, kur sapo zgjohemi.

Ndoshta pa e kuptuar, një prej këtyre veprimeve është arsyeja pse dita juaj nuk shkon mirë dhe ju mungon energjia. Duke ditur edhe se çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.

- Mos bëni dushe të gjata dhe të nxehta

Po, e dimë se është shumë qetësuese thjesht të qëndrosh në dush dhe të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, do t’ju zvogëlojë rrahjet e zemrës dhe do t’ju bëjë më të predispozuar për të pushuar sesa për të qenë aktiv gjatë gjithë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë. Trupi juaj do të zgjohet dhe ju do të jeni gati për të vazhduar ditën.

- Mos fikni alarmin e zgjimit

Të gjithë jemi fajtorë kur vjen puna tek alarmi i zgjimit, por a i dini efektet anësore dhe se si një veprim, në dukje i vogël, mund të pengojë gjithë ditën tonë?

Sipas një eksperti të gjumit, mbyllja e alarmit rregullisht do t’ju bëjë të ndiheni më të lodhur dhe të flini më keq gjatë natës. Gjumi i dobët do të ngatërrojë me qindra qeliza në trupin tuaj, duke çuar në rritjen e tensionit dhe dobësimin e imunitetit. Pra, nëse nuk flini mirë natën dhe ndiheni të lodhur në mëngjes, fajin mund ta ketë pikërisht ky veprim.

- Mos kontrolloni rrjetet sociale sapo keni hapur sytë

Shpesh një lundrim në rrjetet sociale, në momente gabuara (sidomos në mëngjes), mund të shndërrohet në një apo dy orë dhe si pa kuptuar, humbisni një pjesë të mirë të ditës.

Studimet tregojnë se duhet t’ja lini këtë pjesë pushimit të drekës, apo orëve të para të mbrëmjes përpara se të shkoni në shtrat.

- Evitoni konsumin e kafes, direkt pasi zgjoheni

Sipas studimeve, koha perfekte për të pirë kafe është pas orës 9:30 në mëngjes ose gjysmë ore pasi të zgjoheni nga gjumi. Ky orar është personal dhe mund të jetë ndryshe pë njerëz të ndryshëm. Gjithsesi, kur bëhet fjalë për të mos konsumuar kafe direkt sapo jeni zgjuar, kjo vlen njësoj për të gjithë: Mos e bëni!

Nëse pini kafeinë shumë shpejt, ju do të ngadalësoni prodhimin natyral të hormonit të quajtur kortizol në trupin tuaj, i cili ju ndimon të zgjoheni në mënyrë organike.

- Mos e shmangni asnjëherë vaktin e mëngjesit

Mëngjesi është vakti më i rëndësishëm i ditës. Nëse nuk e konsumoni atë rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.

Përpiquni të përgatisni diçka të lehtë që në mbrëmje, ose mendoni paraprakisht se çfarë do të konsumoni, për të mos humbur kohë.

- “Çfarë të vesh sot?”

Kjo pyetje na mundon të gjithëve. Nëse do t’ja lëmë gjithë këtë dilemë mëngjesit, me siguri do ta humbasim gjithë ditën duke i ngulur sytë dollapit të rrobave. Hidhini një sy parashikimit të motit dhe përgatiteni veshjen tuaj që në mbrëmje.

- Rregulloni gjithnjë shtratin përpara se të çoheni

Një krevat i rregullt, do t’ju bëjë të ndiheni më të qetë kur të ktheheni përsëri në shtëpi. Për më tepër, do të keni një shtrat gati për ju në mbrëmje. Iu kushton vetëm 3 minuta.

- Mos harroni të thoni “Mirëmëngjes”

Ndonjëherë nxitimi i ditës, bën që të mos përshëndesim kolegun e punës apo fqinjin përballë. Sidoqoftë, nuk na kushton asgjë të tregohemi të sjellshëm dhe t’i urojmë një ditë të mbarë njerëzve që na rrethojnë.

Burimi: Everything Abode