Adobe Photoshop është një program kompjuterik që lejon manipulimin e fotografive. Sidoqoftë, qindra aplikacione të tjera që kanë të njëjtin funksion ose funksion të ngjashëm, kanë marrë këtë emër: “photoshop”, si një cilësim i përgjithshëm për gjithë editimet e ndryshme të fotove.

Ndonjëherë, editimet janë të dukshme, si në këto raste:

Por, në të shumtën e rasteve detajet e ndryshuara janë aq të vogla, sa do të nevojitej t’i shihnit fotot me orë të tëra, për t'i evidentuar ato. Në fakt, ekzistojnë disa faqe, të cilat bëjnë pikërisht këtë: vënë në pah editimet, ndonjëherë të frikshme dhe të çuditshme të (pothuajse) gjithë personazheve publikë, si: Kim Kardashian, Bella Hadid, Rita Ora, Britney Spears e shumë të tjera.

Por, përveç editimit të fotografive, së fundmi, mund të editohen edhe videot. Më poshtë, shfaqet një shembull, nga Sierra Nielsen, e cila shpjegon sesi trupi mund të ndryshohet edhe në video:

Disa raste të këtyre videove që lëvizin "çuditshëm", vijnë nga Khloe & Kim Kardashian, si dhe influencuese të tjera.

Fenomeni në rritje i këtyre ndryshimeve fare të panevojshme, duket shqetësues, por përsa kohë jemi në dijeni se pjesa më e madhe e përsosmërisë në rrjete sociale, nuk është e vërtetë, mund të jemi të qetë dhe të përpiqemi të tregohemi sa më të sinqertë, jo vetëm me të tjerët, por edhe me veten.