Tiranë

117 raste pozitive: Situata e Covid-19 në vend, qytetet më të riskuara

Shkruar nga Anabel

13 Korrik 2020

117 raste pozitive: Situata e Covid-19 në vend, qytetet më të

Gjatë 24 orëve të fundit, janë konfirmuar pozitivë 117 persona pozitivë ndaj Covid-19 nga 585 teste të kryera, ndërsa 2 pacientë të shtruar prej ditësh kanë humbur jetën.

Në komunikimin e përditshëm, Ministria e Shëndetësisë ju kërkoi qytetarëve të mos e ulin vigjilencën, pasi situata e pandemisë është ende e rënduar në vend.

“Java që lamë pas ka treguar një trend të rritur të rasteve të konfirmuara pozitive, rritje të shtrimeve në spital, pacientëve që kanë pasur nevojë për trajtim në terapi intensive por edhe pacientë të intubuar. Fatkeqësisht kemi pasur edhe rritje të qytetarëve që kanë humbur jetën. Aktualisht kemi transmetim komunitar të përhapjes së virusit në disa bashki të vendit Është një situatë serioze epidemiologjike e Covid 19 në të gjitha elementët e vlerësimit të saj. Kjo situatë kërkon reflektim nga ana e qytetarëve për të mos e ulur vigjilencën, duke respektuar masat e vendosura, dhe bizneset duke zbatuar protokollet e sigurisë."

Aktualisht në spital janë të shtruar 85 persona, 10 prej të cilëve në terapi intensive dhe 4 të intubuar, në gjendje të rëndë.

Shpërndarja gjeografike e rasteve është si vijon: 41 raste në Tiranë, nga 9 raste në Shkodër, Kavajë, 7 në Korçë, nga 6 raste Pukë, Lezhë, nga 5 raste Durrës, Kurbin, nga 4 raste në Krujë, Mirditë, Tropojë, 3 në Fier, nga 2 raste në Kolonjë, Lushnje, Vlorë, Mat, dhe nga 1 rast në Memaliaj, Ura Vajgurore, Pogradec, Kamëz, Berat, Elbasan.