Një princ belg, ka kërkuar publikisht falje pasi ka rezultuar pozitiv ndaj Covid-19 dy ditë pasi u kthye nga një event me shumë njerëz, në Spanjë. Princi Joachim, 28-vjeç është nipi i mbretit të Belgjikës dhe para disa ditësh ndodhej në Spanjë, në një festë bashkë me njerëz të tjerë.

"Do t'ju kërkoja falje që kam udhëtuar dhe nuk ka respektuar masat e karantinës. Nuk ishte qëllimi im të fyeja apo të mos respektoja dikë në këto kohë të vështira. Jam shumë i penduar dhe i pranoj pasojat e veprimit tim."- është shprehur ai.

Princi udhëtoi nga Belgjika drejt Spanjës në 24 maj dhe gjatë kësaj kohe u ndodh në një event me rreth 12 ose 27 të ftuar. Dy ditë më pas, rezultoi pozitiv ndaj testit.

Sipas masave të qeverisë spanjolole, të gjithë ata që udhëtojnë drejt Spanjës duhet më parë të rrinë të karantinuar për dy javë, me përjashtime të vogla.

Shtoji kësaj faktin që 15 veta që nuk jetojnë në një shtëpi të vetme, nuk janë të lejuar të rrinë bashkë. Autoritetet tani po hetojnë eventin në të cilin mori pjesë princi dhe mendohet të kenë qenë më shumë se 27 njerëz dhe të gjithë kanë thyer rregullat e karantinës dhe distancimit social.

Princi belg, tashmë i izoluar ka simptoma të lehta të sëmundjes.

Burimi:CNN