Një spital francez që ritestoi mostrat e marra nga pacientë që vuanin nga pneumonia zbuloi së fundmi se ka trajtuar një pacient me koronavirus që më 27 dhjetor, gati dy muaj para se Franca të konfirmonte rastet e para me Covid-19.
Dr. Yves Cohen nga spitalet Avicenne and Jean Verdier në periferi të Parisit tha për BFM TV (via The Guardian) se shkencëtarët ritestuan mostrat e marra nga 24 pacientë, të cilët në dhjetor dhe janar rezultuan negativ ndaj gripit.
“Në 24 persona, kishim një pacient pozitiv me Covid-19 dhe e kemi trajtuar që në 27 dhjetor,” tha ai.
Mostrat u mblodhën për të hulumtuar mbi gripin dhe u përdoren testet PCR, të cilat gjithashtu përdoren për të zbuluar praninë e koronavirusit në organizëm. Secila prej mostrave u testua disa herë për t’u siguruar që nuk ka gabime.
“Të dish se kur mund të ketë qenë rasti i parë është thelbësore për të kuptuar si u përhap virusi,” shtoi Cohen.
Një gjë e tillë krijon një tablo të qartë se virusi ka qarkulluar në Europë që në fund të dhjetorit dhe fillimjanarit. Përsa i përket vendit tonë, vlen të theksohet se në fund të prillit, Saimir Kodra tha se nga testi i anti-korpeve rezultoi se “e ka kaluar koronavirusit që në janar”. Po kështu, referuar një diskutimi të hapur në @anabel_media në Instagram, të shumtë qenë njerëzit që u shprehën se “mund ta kenë kaluar Covid-19 në janar dhe shkurt”.
