Gjatë komunikimit të fundit, ministrja e Arsimit Besa Shahini deklaroi vendimin e marrë në lidhje me hapjen e shkollave. Shahini deklaroi se do të bëhet një hapje e pjesshme e shkollave, duke shtuar se provimet e maturës nuk do të shtyhen.

“Hapja e pjesshme e shkollave do të realizohet duke zbatuar të gjitha rregullat. Arsyeja që nuk do ti hapim të gjitha shkollat është numri i lartë i nxënësve dhe sepse disa shkolla janë dëmtuar nga tërmeti. Ky vit do të mbyllet në muajin qershor. Provimet e maturës shtetërore do të mbahen 8-18 qershor 2020. Provimet e klasës së pestë dhe të nëntë do të anulohen. Do të hapim shkollat vetëm për maturantët në 18 maj deri në 5 qershor." - u shpreh ajo.

Për të qenë sa më të mbrojtur, ministrja shtoi se do të ketë reduktim të numrit të nxënësve, duke shtuar se do të ketë një riorganizim nëpër klasa.

“Numri i nxënësve nuk mund të jetë më shumë se 15 nxënës në një klasë. Që të realizojmë një numër kaq të ulët të nxënësve do të përdoren edhe shkollat 9-vjeçare që janë afër shkollave të mesme. Do të ketë rregullore të saktë për të gjithë procesin mësimor, në bazë të urdhërave të Institutit të Shëndetit Publik. Kjo rregullore do të shpërndahet në pak ditë që të gjithë të kenë mundësi të dezinfetojnë shkollat dhe të marrin masat." 

Lajmi është në përditësim