Shënim: Artikulli në vijim është përshtatur nga Instituti Kombëtar Amerikan i Shëndetit Mendor, një nga 27 institutet dhe qendrat që përbëjnë Institutin e Shëndetësisë.
Disa nga problemet më të zakonshme të shkaktuara nga situata e pandemisë:
-shqetësime për shëndetin mendor;
-ndryshime në orarin e gjumit;
-vështirësi për të fjetur për t’u përqëndruar;
-përdorim i shtuar i alkoolit, duhanit dhe drograve të tjera.
Çfarë duhet të bëni:
Bëni pak pushim nga lajmet
Vendosni periudha kohore çdo ditë gjatë të cilave duhet të dilni nga rrjetet sociale ose të mos shihni televizor. Jepini vetes pak kohë dhe hapësirë për të menduar dhe për t’u përqëndruar te gjërat e tjera.
Kujdesuni për trupin
Merrni frymë thellë, shtrihuni dhe meditoni. Mundohuni të hani ushqime të rregullta, mbani një dietë të ekuilibruar dhe bëni pak aktivitet fizik çdo ditë. Jepini vetes kohë për të fjetur gjumë. Shmangni alkoolin dhe drogërat.
Gjeni kohë për argëtim
Mundohuni të përfshiheni në hobi që ju pëlqejnë. Duhet t’ju falin kënaqësi, argëtim dhe kreativitet.
Flisni me të tjerët
Ka një ndryshim mes vetmisë dhe distancës sociale. Fakti që jeni të izoluar nuk do të thotë që të mos qëndroni në kontakt me familjarët, miqtë dhe kolegët.
Vendosni qëllime dhe përparësi
Vendosni çfarë duhet të bëni sot dhe çfarë prisni nga kjo gjë. Prioritetet duhet të vendosen në mënyrë që të reflektohen ndryshimet në orare dhe të keni një rutinë të re.
Përqëndrohuni te faktet
Mos u alarmoni. Kjo gjë do t’ju shkaktojë stres dhe ankth. Jo gjithë çfarë lexoni në media është e vertetë. Dyshoni dhe mos besoni çdo gjë që lexoni lart e poshtë. Përqëndrohuni te faktet.
Artikuj të rekomanduar:
