“Duhet të kujdesemi për gjyshërit, por nga lart.”

Rruga drejt përfundimit të pandemisë së koronavirusit kërkon izolimin e popullatës së moshuar nga të rinjtë që nuk janë dhe aq të rrezikuar. Në këtë mënyrë, shumica mund të krijojë imunitet nga virusi. Kështu u shpreh Ministri izrealit i Mbrojtjes, Naftali Benett, në një deklaratë të regjistruar.

“Gjëjë më e rëndësishme është veçimi i të moshuarve nga të rinjtë. Kombinimi më vdekjeprurës është një gjyshe që përqafon nipin e saj,” tha politikani.

“Në ditët që pasojnë, duhet të kujdesemi për gjyshërit, por nga larg. Shkruajini në Ëhatsapp dhe merrini në Skype. Dërgojuni ushqim, por mos hyni në shtëpitë e tyre. Mos i përqafoni sepse i vini në rrezik,” qartësoi Bennett.

Sipas ministrit, muajt në vijim, shumica e popullsisë do të infektohet nga virusi dhe shumica e të infektuarve nuk do të ketë asnjë simptomë dhe as do të jetë në dijeni që është mbartës.

Në këtë mënyrë, shumica e popullatës do të zhvillojë imunitet ndaj virusit, duke i dhënë fund epidemisë.