Nga të dhënat e para thuhet se vrasja e 59-vjeçares nga bashkëshorti ka ardhur si pasojë e xhelozë. Autori i krimit, 63-vjeçari i identifikuar si Ruzhdi Tosuni e ka goditur të shoqen me levë hekuri dhe gërshëri pas një debati të ashpër në dyqanin e tyre të metrazheve në Durrës.
Pas krimit, sipas ABC Neës, ai ka mbyllur qepenin e dyqanit dhe ka shkuar për të blerë duhan. Më tej, ka hyrë në farmacinë që ndodhej ngjitur me biznesin e tyre dhe i ka treguar çfarë ka bërë. 63-vjeçari ka njoftuar vetë policinë dhe ka pritur ardhjen e tyre i ulur para derës së dyqanit.
Sipas dëshmisë së dhëndrit, një tragjedi e tillë, është e papritur pasi çifti nuk ka patur asnjë lloj konflikti në të shkuarën, por beson se shkak për vrasjen është bërë xhelozia e tij.
