Celebrity

Këngëtarja e njohur thotë se u mor peng, u drogua dhe u përdhunua

Shkruar nga Anabel

26 Shkurt 2020

Këngëtarja e njohur thotë se u mor peng, u drogua dhe u

Aimee Duffy, këngëtarja nga Uellsi e njohur si Duffy që u largua nga jeta publike pas publikimit të albumit të suksesshëm "Rockferry," tha se është droguar, marrë peng dhe përdhunuar nga një njeri i panjohur.

Në një deklaratë të postuar në Instagramin e saj, ajo shkruan: ”E vërteta është, dhe më besoni kur them që jam mirë tani, se përdhunuan, më droguan dhe më morën peng për disa ditë. Sigurisht mbijetova. Shërimi mori kohë. Nuk ka asnjë mënyrë tjetër për t’i thënë këto gjëra. Por mund t’ju them se gjatë dekadës së fundit, mijëra dhe mijëra ditë doja të ndjeja diellin në zemrën time dhe tani dielli shkëlqen.

Duffy nuk qartëson kur ndodhi ngjarja, por shpjegon se vendosi të flasë publikisht pasi e kontaktoi një gazetar. “Ishte i sjellshëm dhe u ndjeva shumë mirë kur fola... Pas disa javësh do të publikoj një intervistë. Nëse keni pyetje, dua t’u përgjigjem aty, nëse mundem."

Këngëtarja shton: “Ndoshta vrisni mendjen pse s’përdora zërin për të shprehur dhimbjen që ndjeja? Nuk doja t’i tregoja botës trishtimin në sytë e mi. Pyeta veten, si mund të këndoj nga thellësia e zemrës nëse e kam zemrën e thyer. Por ngadalë zemra u ngjit.” Ajo kërkoi mbështetje dhe respektim të privatësisë gjatë kësaj periudhe.

Albumi i parë i Duffy publikuar në vitin 2008, “Rockferry,” ishte një sukses i jashtëzakonshëm. Në krye të klasifikimeve ishte “Mercy” dhe disa pozicione më poshtë, balada “Warwick Avenue.” “Rockferry” ishte albumi më i shitur në Mbretërinë e Bashkuar për vitin 2008, fitoi tre Brit Awards dhe një Grammy. Në gjithë botën, albumi shiti mbi 9 milionë kopje.

Në vitin 2010, Duffy publikoi një album më pak të suksesshëm të titulluar “Endlessly.” Që nga ai vit, ka publikuar vetëm një këngë, “Whole Lot of Love,” që ishte pjesë e kolonës zanore të filmit “Legend” (2015).

Në vitin 2013, Duffy tha për Esquire Magazine: “Hodha një hap pas. Mendova: Do ngadalësoj gjithçka... U komplikua kaq shumë, kaq shumë përgjegjësi. Po këndoja këngë për të vënë njerëzit në gjumë, nuk po drejtoja NASA-n. Papritur isha një produkt, një sipërmarrje, një grua biznesi. Kur më së shumti doja të isha njeri.”

Në vitin, producenti i saj, Bernard Butler tha: “Mori kot dhe gjithçka dështoi... Por e kam pasur gjithmonë shumë xhan, se ishte e re, vinte nga një fshat i vogël në Uells dhe e hodhën në mes të zjarrit.”

Në një intervistë me Marie Claire, në vitin 2011, Duffy vuri në dukje se gjithë heronjtë e saj ishin viktima të tragjedisë. “Ku dua të jem dhe ku mendoj se do të jem [pas 20 vitesh] janë dy gjëra shumë të ndryshme. Jeta do të më përfshijë në ndonjë ndodhi tragjike. Gjithë njerëzit që kam adhuruar – Dusty, Marvin, Edith Piaf – s’kanë pasur jetë të lumtura. E tillë është historia. E marr çdo ditë si të vijë. Je në mëshirë të jetës.”

Burimi: The Guardian

MOS I HUMBISNI