Çdo vit, e hëna e tretë e janarit quhet "E hëna blu". Sipas kësaj teorie, në këtë ditë të vitit ne jemi të gjithë të ftohtë, pa para në xhep dhe të ngarkuar me ndjesi faji nga gjithë ç'ndodhi në fundvit. Kjo e hënë na gjen në përpjekje të vazhdueshme për të hequr kilet e marra, për të pirë më pak alkool dhe për t'u bërë njeri më i mirë.

Por,a është në të vërtet E hëna Blu dita më depresive e vitit apo thjesht një strategji marketingu?

Ky koncept u krijua fillimisht në 2004-ën, nga psikologu Cliff Arnall. Ai erdhi me një formulë që "shpjegonte" faktorët që ndikojnë në të hënën blu. Kushtet e motit, borxhet e marra për festa, shpenzimet, niveli i ulët i motivimit apo ndjesia për të bërë diçka ndryshe thuhet se e bëjnë të hënën e tretë të vitit, ditën më të tmerrshme.

Kjo teori, pavarësisht vërtetësisë së saj, ka rezultuar fantastike si strategji marketingu. Njerëzit "kurojnë" depresionin e këtyre 24 orëve përmes ushqimeve të mira, trajtimeve të bukurisë apo blerjes së rrobave të reja.

Sidoqoftë, tek ne është një ditë me diell dhe data shënon 20 janar. Ka ende kohë për të ardhur fundi i muajit, kështu që, kujdes me shpenzimet.