Ashtu si përflitej, përballja e parë e Meghan-it me të atin, pas katë vitesh, mund të jetë në një sallë gjyqi. Thomas Markle mendohet se do të përfundojë duke dëshmuar kundër saj në betejat ligjore përsa i përket trajtimit të figurës së dukeshës në Mbretërinë e Bashkuar.
Meghan ngriti një padi vitin e kaluar kundër gazetës Mail on Sunday me pretendimin se kishte botuar në mënyrë të paligjshme një letër që ajo i shkruante të atit.
Por dokumentet gjyqësore të paraqitura nga gazeta zbulojnë se pjesë e palës mbrojtëse është edhe babai i Meghan-it, Thomas Markle.
Për momentin, është ende e paqartë nëse ai do të dëshmojë nëse çështja arrin në gjykatë, por dokumentet tregojnë se babai i dukeshës së Sussex-it ka bashkëpunuar me mbrojtjen, duke e bërë atë një dëshmitar të mundshëm.
Samantha Markle, vajza e Thomas nga martesa e parë, tha për BBC: “Nëse do të thirret, do të vijë.”
Gazeta Mail on Sunday do të argumentojë se ka pasur një interes publik “të madh dhe të ligjshëm” për anëtarët e familjes mbretërore dhe “marrëdhëniet e tyre personale”.
Dokumentet zbulojnë se Mail on Sunday do të përdorë prova të shumta, duke përfshirë edhe argumentin se babai i Meghan-it “kishte të drejtën për të treguar versionin e tij mbi raportin me të bijën”.
Si rezultat, Meghan dhe Thomas Markle mund të përfundojnë në gjyq duke u përballur me njëri-tjetrin, pas vitesh që përflitet për marrëdhënien e tyre.
Deri tani, Mail on Sunday dhe juristët e Sussex-it nuk kanë reaguar.
Burimi: CNN, BBC
