Pas një heshtjeje të gjatë, reperi T.I flet për herë të parë rreth deklaratës kontroversiale që shokoi njerëzit! I ftuar në programin "Red Table Talk" me Jada Pinkett Smith, T.I u përpoq të sqaronte se ç'donte të thoshte kur tregoi se shoqëron të bijën 18-vjeçare tek gjinekologu për t'u siguruar se "himeni i saj është ende i paprekur".

Deshi s'deshi, T.I u detyrua të jepte një shpejgim dhe gjejeni çfarë? Tha se po bënte shaka! 

"E gjithë kjo bisedë është bërë në formë shakaje. Unë fillova ta zbukuroj dhe ta ekzagjeroj të gjithë atë nga ç'është në të vërtet. Mendoj se njerëzit e morën më seriozisht nga ç'duhet, sepse nëse mendoni pak për reputacionin tim...Kush jam unë si baba, kush kam qenë. Të jem i sinqertë mendoja se njerëzit më njihnin më mirë se kaq."

Ndër të tjera, reperi shtoi se nuk ka qenë kurrë në një dhomë me Deyjah teksa ajo vizitohej dhe se ajo çfarë u tha nuk ndodh në të tashmen. Ishte diçka që reperi e bënte kur e bija ishte 15 ose 16-vjeç. Pra "testimi i virgjërisë" ka ndodhur dhe sqarimi i tij është po aq shokuese sa deklarata.

"Nuk ka patur kurrë një kundërshtim nga ajo. Deyjah e ka patur gjithnjë problem të flisnim rreth kësaj teme dhe e kuptoj. Jam shumë posesiv për këtë ndaj saj. Ajo i kupton qëllimet  e mia dhe e di kush jam."- vazhdoi ai.

Gjithsesi, vajza nuk ishte prezente, kështu që mbetet vetëm versioni i tij.

"Mendoj që në kohën kur gratë tona (gratë me ngjyrë) janë të pambrojtura, të shpërfillura...unë po kritikohem sepse po përpiqem të mbroj timen!  E kam fjalë për ata djemtë e vegjël me gishta të ngathët topolakë që duan thjesht të vijnë për të shkatërruar dhe ndotur shenjtërinë."- vijon ai dhe pas kësaj fraze, të pranishmit nuk i mbajtën dot të qeshurën.

Kurse publiku, reagoi përmes postimeve në rrjete sociale. Të zhgënjyer për të dytën herë që T.I nuk kërkoi falje dhe vazhdoi të fliste për të bijën, a thua se ishte pronë e tij.

Artikuj që mund të lexoni: Shokuese: Reperi deklaron se shoqëron të bijën te gjinekologu për t’i kontrolluar himenin

Qeshën pas deklaratës shokuese të reperit: Moderatoret kërkojnë falje publike

Pornhub i ofron vajzës së T.I. $1 mln për të humbur virgjërinë në kamera?