Sot, Alvin Berisha mbërriti shëndoshë e mirë në Itali, pasi u shpëtua nga kampi al-Hol në Siri si rezultat i bashkëpunimit të një sërë institucionesh shtetërore dhe jo-fitimprurëse. La Stampa zbardhi deklaratën e parë të 11-vjeçarit, ndërsa Casate Online publikoi imazhet e mbërritjes së Alvinit në shtëpi, në Barzago, Lecco.
Në ballkonin e shtëpisë së tij varej një çarçaf që shkruan “Mirë se erdhe kampion,” dhe nën pallat e pritën familjarë të shumtë dhe fqinjë.
“Çfarë do të bëjmë tani? Do të festojmë me gjithë vendin për mbërritjen e kampionit,” tha babai i Alvinit, Afrimi, ende i lodhur nga udhëtimi nga Roma, ku zbriti avioni i 11-vjeçarit.
