Siç mund ta keni lexuar, Alvin Berisha u shpëtua nga kampi Al-Hol dhe nisur nga disa foto të siguruara nga Top Channel, 11-vjeçari është në duar të sigurta. Në foto, Alvin shfaqet në shoqërinë e një burri me uniformën e Gjysmë Hënës së Kuqe siriane.
Çfarë ndodhi?
Shqiptarja.com raporti sot (e enjte, 7 nëntor) se Alvin doli nga kampi katër ditë më parë dhe dje mbërriti në kryeqytetin sirian, Damask.
Tre ditët jashtë kampit ai qëndroi në një shtëpi të sigurt në Qamishli, një fshat në veri të Sirisë.
Sot, nëse nuk shfaqet ndonjë pengesë, Alvin do të shoqërohet nga Kryqi i Kuq drejt Bejrutit, Liban, dhe më pas drejt Italisë, ku do të bashkohet me babain dhe dy motrat.
Këtë operacion po e kryen Gjysmë Hëna e Kuqe siriane dhe Kryqi i Kuq ndërkombëtar.
