Siç mund ta keni lexuar, sipas të dhënave të Eurostat dhe Institutit të Statistikave, të përpunuara nga Monitor, shqiptarët janë më dembelët në Europë përsa i përket aktiviteti fizik (ecje, biçikletë, joga dhe aktivitete të tjera).
Lista e qyteteve, nga ata me më më shumë aktivitet deri te qytetet ku mungon aktiviteti fizik, vijon kështu:
1. Tirana
2. Vlora
3. Elbasani
4. Gjirokastra
5. Fieri
6. Dibra
7. Berati
8. Korça
9. Lezha
10. Shkodra
11. Kukësi
12. Durrësi
Vrapi redukton rrezikun nga kanceri, zvogëlon rrisqet e sëmundjeve kardiovaskulare, parandalon obezitetin dhe mbipeshën, ndihmon në tonifikimin e muskujve si edhe ndikon pozitivisht në shëndetin mendor. Thënë këto për të theksuar faktin që mungesa e aktivitetit fizik shoqërohet me sëmundje që çojnë deri në vdekje të parakohshme.
Nisur nga faktorët e mundshëm që mund t’i mbajnë shqiptarët larg aktivitetit fizik (si mungesa e kohës, informacionit apo parave), ekspertët këshillojnë një zgjidhje, që kursen kohë dhe po ashtu nuk kërkon burime financiare, siç është rasti i palestrave apo kurseve të tjera të aerobisë, joga dhe jo vetëm.
Njerëzit që vrapojnë 50 minuta në javë kanë të njëjtat përfitime sa ata që vrapojnë më shumë se 3 orë. Saktësisht 50 minuta në javë janë afro 7 minuta vrap/ecje e shpejtë në ditë.
Në një studim të universitetit të Iowa, sipas Yahoo, katër vite më parë, udhëheqësit e kërkimit shkencor u shprehën se 30 deri në 60 minuta vrap në javë ndikon në rritjen e jetëgjatësisë, cilësisë së jetës dhe ka përfitime të ngjashme shëndetësore me ata që vrapojnë më shumë.
Nëse vraponi të paktën 30-60 minuta në javë, reduktoni ndjeshëm rrezikun nga vdekja e parakohshme dhe sëmundjet e zemrës.
Artikuj të rekomanduar:
1. Ushtrime për dembelët: Tonifikoni trupin pa u ngritur fare nga krevati!
2. Jo më dhimbje shpine, qafe dhe mesi: 5 pozicione yoga që mund t’i bëni në punë!
3. Harrojeni abonimin në palestër: Këto video falas në YouTube janë fantastike!
4. Ky sport "mashkullor" është sekreti i grave me trupat më seksi