Me emrin e bebit të dytë të Sara Hoxhës, u morëm që nga koha kur mësuam për shtatzëninë. Vetë lajmin, Sara e dha përmes një indikacioni rreth emrit, duke thënë fjalë për fjalë: “Një tjetër kryeqytet europian po vjen.” Pa e kuptuar pse, të gjithë njerëzit shkuan drejt një opsioni të vetëm: Për ta, bebi do të quhej Paris!
Ja ku jemi sot. Vogëlushi lindi dhe prindërit e quajtan Roman. Sigurisht, mendimi i parë që na vjen pasi dëgjojmë këtë emër, është Roma, pasi Roman do të thotë ~qytetar i Romës~.
Gjithsesi, siç bëjmë zakonisht,edhe kuptimit të këtij emri do t’i hymë më thellë.
Origjina e emrit Roman vjen nga latinishtja dhe historikisht është përdorur për djemtë. Përpos kuptimit fillestar -(qytetar i Romës/një njeri me kulturë italiane, latine ose greke), kuptimi biblik i këtij emri është “i fortë”, “ i plotfuqishëm”.
Në gjuhët kurde, Roman do të thotë “novelë, histori epike”. Ndoshta në vijim do ta zbulojmë se arsyeja pse çifti zgjodhi këtë emër është krejt personale, (duke marrë parasysh lidhjen shpirtërore që kanë me Italinë në përgjithësi) por sidoqoftë Roman, është emër shumë i famshëm që prej lashtësisë.
Cate Blanchett njërin nga djemtë e saj e quajti Roman, regjisori i njohur polak quhet gjithashtu Roman (Polanski) . Ky emër është gjerësisht i përdorur në Rusi dhe shpesh vendoset si alternativë e emrit Robert.
