Gjatë intervistës së saj të fundit për Playboy, Kylie tregoi si ka ndikuar mëmësia në jetën e saj seksuale me Travis Scott. Në çdo fjalë, 22-vjeçarja ishte më shumë se e qartë dhe e vërtet.

“Shumë njerëz mendojnë se pas një fëmije, jeta seksuale dëmtohet, por nga eksperienca ime mendoj që është e kundërta.”- u shpreh Travis dhe Kylie e mbështet në çdo gërmë.

“Po, përfundimisht kemi provuar që ky thashethem është i gabuar. Mëmësia dhe seksualiteti mund të jetojnë bashkë dhe thjesht se ti përmirëson  jetën seksuale s’do të thotë që s’je nënë e mirë apo vajzë e pamoralshme.”- shtoi ajo.

Kylie u bë për herë të parë  nënë e një vajze në shkurt të vitit të kaluar, por që atëherë jeta e çiftit duket se është përmirësuar në çdo aspekt të mundshëm.

“Mund të vazhdosh të jesh seksi dhe një nënë e paparë!”- vazhdoi Jenner dhe jemi më shumë se dakord me të.

Gjithsesi, jeta e mirë seksuale mes Kylie-it dhe Travis-it nuk vjen vetëm nga kimia e përbashkët.

“Ne mendojmë njësoj dhe kemi të njëjtat pasione dhe objektiva në jetë. Përpos faktit që kemi shumë kimi, ne bëjmë qef bashkë. Ai është shokuim më i mirë. Gjatë gjithë ulje-ngritjeve që ka patur kjo marrëdhënie, ne jemi rritur bashkë me to dhe thjesht u bëmë më të fortë.”