Në vitin 2001, Marc Jacobs prezantoi koleksionin një ditë përpara sulmit terrorit të 11 Shtatorit, kur militantët e grupit të Al-Qaeda-s rrëmbyen katër avionë dhe sulmuan Kullat Binjake në Nju Jork, Pentagonin dhe një zonë të pabanuar në Pensilvani. “Kanë kaluar 18 vite që nga ajo ditë dhe nuk do ta harrojmë kurrë,” tha ai.

“Por kjo shfaqje, njësoj si ajo e vitit 2001, është një festë për jetën,” shtoi më pas dizajneri i njohur duke kujtuar 2,996 viktimat.

Koleksioni Pranverë 2020 Ready-to-Wear është një larmishmëri, ku ndërthuren detajet e stilit të viteve ’60 dhe ’80, elementët ekstravagantë që të kujtojnë periudhën kur Jacobs krijonte për Louis Vuitton. Artisti i grimit Pat McGrath së bashku me Jin Soon Choi dhe Mei Kawajiri, sollën pamje individuale për secilën nga modelet – nga qerpikët metalikë deri tek ata voluminozë.

Konceptet e koleksionit, i cili u prezantua dje, pak ditë para përfundimit të Javës së Modës në Nju Jork, materializohen në copa me ngjyra të ngrohta dhe të theksuara dhe vinë si një fllad i freskët pranveror.

Fotot

-Përshtatur nga Vogue dhe The Guardian

Artikuj të rekomanduar:

Treshja avantgarde mahnit New York Fashion Week

Rihanna prezantoi Savage X Fenty dhe e çoi Javën e Modës në të tjetër dimension

Veshjet më të bukura nga New York Fashion Week

Veshjet që ranë në sy në koleksionin e fundit të Ralph Lauren