U duk se lidhja e Gigi Hadid me Tyler Cameron u bë serioze sa hap e mbyll sytë. Fillimisht, takimet e shpeshta romantike, pastaj modelja që e merr me vete në funeralin e gjyshes së saj dhe sigurisht prezantimi i tij me gjithë familjen Hadid.
Përpos kësaj, Gigi nxitoi që të dashurin e ri ta njihnin edhe miqtë e saj, si Serena Williams apo Taylor Sëift. Gjithsesi, edhe njëherë tjetër, gjërat s’janë siç duken. Sipas People, çifti nuk e ka dhe aq seriozisht sa menduam, sepse sigurisht romanca është ende në hapat e parë.
Hadid dhe Cameron “janë duke njohur njëri tjetrin dhe duke bërë qejf”, asgjë më shumë!
“Ata nuk duan që ky lloj presioni i jashtëm t’i shtyjë ata për të qënë më shumë nga ç’janë. Vëmendja e medias ka qenë një barrë mbi Tyler dhe Gigi-in. Paparacët mund të fotografojnë çdo moment që janë bashkë dhe e kthejnë atë në diçka të madhe.”- shprehen burime pranë dyshes.
Sidoqoftë, ndonëse nuk qenkan kaq të dashuruar sa u dukën, gjërat po shkojnë mirë. Cameron është i dhënë pas Gigi-it dhe modelja po ashtu.
