Në një prononcim për Anabel.al pak ditë më parë, producenti Turjan Hyska theksoi se në programin më të ri në Tv Klan, “Klanifornia Show”, do të jenë aktorët aktualë të “Duplex”, Olsi Bylyku dhe aktorë të tjerë. Një ndër tyre është edhe aktorja Delinda Disha, e cila deri në sezonin e kaluar televiziv ishte pjesë e “Portokalli”.
“Delinda Disha në Klanifornia! Ku qëndron problemi këtu?” shkruan Hyska në Instagram.
Delinda spikati në “Portokalli” rreth katër vite më parë me imitimin e drejtoreshës së Tatimeve, Briseida Shehaj, ndërsa më pas të tjera skeçe të saj qenë ato të “çiftit të lumtur”.
Përsa i përket “Klanifornia Show”, spektakli do të transmetohet prime time në Klan në orën 21:00, të shtunave mbrëma dhe do të moderohet nga Marina Vjollca.
