Që Instagram-i është vendi i çudirave, nuk na bën më çudi, por meqë po flasim për të...
Bloger-ja e njohur e Instagram-itt, Tupi Saravia, së fundmi i ka bërë lëmsh fansat me rregullimin e çuditshëm që i bën fotove të saj. Ndjekësit, kanë vënë re se në çdo foto që poston, shfaqet i njëjti format resh.
Me pak fjalë, pavarësisht vendit ku ndodhet apo kohës që poston foton, retë në pamjen pas saj, janë gjithmonë të njëjta. Dhe njerëzit duan përgjigje!
Vajza, pasi vuri re që ky detaj po bëhej objekt bisede në llogarinë e saj, shpjegoi se ç’po ndodhte realisht.
“Është thjesht një aplikacion, jo ndonjë gjë e madhe. E përdor ndonjëherë për kompozim të mirë të fotos. Ka raste kur qielli është shumë i ngarkuar apo diçka e tillë. S’e besoj dot sa larg paskan shkuar retë e mia. Gjithsesi, nëse ju duhen ca do t’jua jap.”
Dhe meqë fotoshop-i i këmbëve dhe vitheve, po bëhet shumë “mainstream”, kalojmë tek diçka më e thellë, siç janë retë!
