Me rastin e 20-vjetorit, revista amerikane V Magazine përzgjodhi Billie Eilish për ta pasur në kopertinë. Teksa në kokë ju vjen kënga “Bad Guy”, me siguri që do të mendoni se Billie – e njohur për stilin e saj karateristik me rroba të gjera – zgjodhi diçka të ngjashme. Në fakt, i surprizoi të gjithë.

Këngëtarja veshi një pelerine dhe pantallona Gucci, shoqëruar me varëse Bulgari (e ka vendosur në kokë) dhe unazë Tiffany & Co që krijon idenë e një nuseje të epokës viktoriane. 

Pak detaje karakteristike nuk munguan sigurisht.

Në një tjetër foto, Billie i afrohet më shumë stilit të saj duke përzgjedhur syze me kafkë dhe paruke të gjatë të zezë.

Ajo u intervistua nga këngëtari dhe producenti Pharrell Williams dhe tregoi për rritjen e saj në industrinë e muzikës, duke kujtuar ata që dikur nuk e morën serizisht. “Mendoj qe njerëzit që menduan se do të kisha një karrierë të tmerrshme, ishin ata që përfunduan duke punuar me mua,” thotë ajo. “Jam me të vërtetë me fat dhe shumë mirënjohëse për të gjithë përvojën me labelin tim. Gjithmonë kam qenë lloji i personit që e di se çfarë dua dhe nëse nuk është ajo që dua, nuk e bëj."